Aımaqtar • 13 Qyrkúıek, 2020

Atyraý oblysynda karantın rejımi uzartyldy

575 ret kórsetildi

Atyraý oblysynda karantın rejımi uzartyldy. Qaýly oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń resmı saıtynda jarııalandy, dep habarlaıdy Egemen.kz.

Qaýlyǵa sáıkes, Atyraý oblysynyń aýmaǵynda 2020 jylǵy 14 qyrkúıek saǵat 00:00-den 28 qyrkúıek saǵat 00.00-ge deıin shekteý sharalary uzartyldy.

Burynǵy qaýlyǵa ózgertýler engizildi:

- InfoKazakhstan.kz portalyna tirkelý arqyly  kúsheıtilgen sanıtarlyq-dezınfeksııalyq rejımdi jáne shahmattyq otyrǵyzý tártibi boıynsha áleýmettik araqashyqtyqty saqtaı otyryp, úzilis kezinde úı-jaılardy jeldetý, medısınalyq betperde kııý arqyly jalpy syıymdylyǵy 50 paıyzdan aspaıtyn jáne  50 adamnan aspaıtyn mádenı nysandardyń, teatrlardyń, kitaphanalardyń, murajaılardyń qyzmetine ruqsat etilsin;

- InfoKazakhstan.kz portalyna tirkelý arqyly  kúsheıtilgen sanıtarlyq-dezınfeksııalyq rejımdi saqtaı otyryp , saǵat 09:00-den 22:00-ge deıin jalpy syıymdylyǵy 30paıyzdan aspaıtyn , biraq 50 adamnan aspaıtyn basseınderdiń qyzmetine  aldyn ala jazylý boıynsha ruqsat etilsin;

- kúsheıtilgen sanıtarlyq-dezınfeksııalyq rejımdi saqtaı otyryp, saǵat 09:00-den 22:00-ge deıin bir adamǵa 4 sharshy metr esebinen áleýmettik qashyqtyqty eskere otyryp, jalpy syıymdylyǵynyń 30 paıyzdan aspaıtyn saýda-oıyn-saýyq ortalyqtarynyń, saýda úıleriniń (býtıkterdiń), saýda jelileriniń qyzmetine ruqsat etilsin;

- kúsheıtilgen sanıtarlyq-dezınfeksııalyq rejımdi saqtaı otyryp, aldyn ala jazylý boıynsha 15 adamnan aspaıtyn toby bar balalar túzetý kabınetteriniń/ortalyqtarynyń, balalar men eresekterdiń  oqý ortalyqtarynyń, ońaltý ortalyqtarynyń qyzmetine ruqsat etilsin

- InfoKazakhstan.kz portalyna tirkelý arqyly  kúsheıtilgen sanıtarlyq-dezınfeksııalyq rejımdi saqtaı otyryp, aldyn ala jazylý boıynsha bir adamǵa keminde 4 sharshy metr esebinen SPA-ortalyqtardyń, sulýlyq salondarynyń, shashtarazdardyń, kosmetıkalyq jáne kosmetologııalyq qyzmetter kórsetetin ortalyqtar men salondardyń, manıkıýr jáne pedıkıýr qyzmetterine  ruqsat etilsin;

- InfoKazakhstan.kz portalyna tirkelý arqyly kúsheıtilgen sanıtarlyq-dezınfeksııalyq rejımdi jáne áleýmettik araqashyqtyqty saqtaı otyryp, medısınalyq betperde kııý arqyly, aldyn ala jazylý boıynsha, bakterısıdtti lampalar bolǵan jaǵdaıynda jalpy syıymdylyǵy 30 paıyzdan aspaıtyn jáne  50 adamnan aspaıtyn jattyǵý zaldarynyń, fıtnes-ortalyqtardyń, sport seksııalarynyń, sporttyq-saýyqtyrý ortalyqtarynyń qyzmetine ruqsat etilsin;

- memlekettik organdardyń (uıymdardyń, kásiporyndardyń), kvazımemlekettik sektorlardyń, ulttyq kompanııalardyń, ózge de uıymdardyń, sondaı-aq qyzmetteri ruqsat etilgen kásipkerlik sýbektilerdiń qyzmetine áleýmettik qashyqtyqty jáne kúsheıtilgen sanıtarlyq-dezınfeksııalyq  rejımdi saqtaı otyryp ruqsat berilsin. Sonymen birge qyzmetkerlerdiń keminde 60 paıyzy (shtat kestesinde 30-dan asa qyzmetker bolǵanda) qashyqtan jumys rejımi saqtalsyn;

Demalys jáne mereke kúnderi kelesi shekteý sharalary uzartylsyn:

- balalar túzetý kabınetteriniń/ortalyqtarynyń, balalar men eresekterdiń  oqý ortalyqtarynyń, ońaltý ortalyqtarynyń qyzmetin toqtata turý.

Qaýly qol qoıylǵan kúnnen bastap zańdy kúshine enedi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar