Ernat Melsuly bastaǵan veloshabandozdar 2 qyrkúıekte Nur-Sultannan shyǵyp, Ereımentaý, Ekibastuz, Pavlodar, Semeı qalalaryn basyp ótip, 11 qyrkúıekte Jıdebaıdaǵy «Abaı-Shákárim» mavzoleı keshenine jetip toqtaǵan. Velosherýdiń maqsaty – Abaıdyń ónegeli ómirin, baı murasyn nasıhattaýǵa atsalysý, jastardy eldi, jerdi súıýge úndeý jáne halyqty salamatty ómir saltyn ustanýǵa shaqyrý edi.
Veloshabandozdar eldi mekenderdi basyp qana ótken joq, taban tiregen ár qalanyń tarıhyn tanýǵa tyrysty. Turǵyndarymen, shejireshilermen áńgime tarqatysty.
– Abaıtanýshy Ǵarıfolla Esim Aqqýlynyń týmasy ekenin bilmeıdi ekenbiz. Biz sol aýylda qondyq, elmen áńgimelestik. Semeıge 38 shaqyrym jetpeı sol jaǵymyzda 1800 jyldary salynǵan meshit kórindi. Surastyrsaq, ǵımarat bir shegesiz salynǵan eken, – deıdi aǵylshyn tiliniń oqytýshysy-aýdarmashy Ernat Melsuly.
Al Alash astanasy – Semeıge jetken azamattar Abaı eskertkishine gúl shoqtaryn qoıdy, murajaılardy aralady. Tanym kókjıekterin keńeıtti. Veloshabandozdardyń aıtýynsha, aýyryp em izdegenshe salamatty ómir saltyn ustanyp, aýyrmaıtyn jol izdegenimiz abzal. Ár adam jumysyna, serýenge velosıpedpen shyqsa ýaqytyn da, aqshasyn da únemdeıdi. Álbette densaýlyǵyn nyǵaıtýǵa zor áserin tıgizedi.
Veloshabandozdardy Abaı eli qushaq jaıa qarsy aldy. Munda olar Abaıdyń rýhyn sezinip, ómirimen, shyǵarmashylyǵymen tanysady, ózderi de tarıhty nasıhattaýǵa úles qosady.
Shyǵys Qazaqstan oblysy
