Nur-Sultan qalasyndaǵy №6 qalalyq aýrýhanada Densaýlyq saqtaý mınıstri "Grıppol+" vaksınasyn saldyrǵannan keıin BAQ ókilderine suhbat berdi.
"Jylda kúz aıynda JRVI men tumaý órshıdi. 2019-2020 jylǵy epıdemııalyq maýsymda JRVI aýyrǵan 431 120 adam tirkeldi, onyń ishinde 2 jarym myńnan astam naýqas zerthanada anyqtalǵan tumaýǵa shaldyqqan. Onyń 284 033-i nemese 61,4 paıyzy 14 jasqa tolmaǵan balalar. Bıyl halyqty vaksınasııalaý asa qajet, óıtkeni koronavırýs pandemııasy kezinde tumaý da órshýi múmkin, sol kezde eldegi jaǵdaıdy turaqtandyrý qıyn bolady. Sondyqtan bul joly elimizde vaksınasııany jyldaǵydan eki apta buryn bastaımyz. Qazaqstan qaýipsiz, tıisti zerthanalyq synaqtardan jáne baqylaýdan ótken, sapaly vaksına satyp alǵanyn kórsetý úshin ózim birinshi bolyp ekpe saldyrdym", dedi A.Soı.
Esterińizge sala keteıik, 2020 jyly Qazaqstanda egý naýqany 15 qyrkúıek pen 15 qarasha aralyǵynda ótedi. Biryńǵaı dıstrıbıýtor halyqtyń 10 paıyzynan astamyn tegin vaksınalaý úshin Reseıde óndirilgen "Grıppol+" vaksınasynyń 2 mln astam dozasyn satyp aldy. Vaksına quramynda tumaýdyń úsh shtammy- A(H3N2), A(H1N1) jáne V qarsy antıgen bar.
Qoǵamdyq densaýlyq saqtaý basqarmasy Nur-Sultan qalasy ákimdiginiń №6 qalalyq emhanasy ShJQ MKK-ǵa tumaýǵa qarsy "Grıppol+" vaksınasynyń 7200 dozasyn bólgen. Emhanda 3500 bala, 3700 eresek, onyń ishinde 468 júkti áıeldi, dıspanserlik esepte turǵan 2 582 adam men 65 jastan asqan 519 azamatty jáne 350 medısına qyzmetkerin vaksınalaý josparlanýda.
"Grıppol +" vaksınasy tumaýǵa qarsy erekshe joǵary ımmýnıtet qalyptastyrady.
Vaksınasııa táýekel tobyna kiretin adamdarúshin tegin, atap aıtqanda:
- mektep jasyna tolmaǵan jáne mektep jasyndaǵy balalar;
- medısına qyzmetkerleri;
- júkti áıelder (júktiliktiń 2-3 trımestri);
- jabyq mekemelerdegi adamdar (balalar úıi, mektep-ınternattar;
- sozylmaly aýrýy bar eresekter men balalar;
- 60 jastan asqan qarttar.
