Oblystyq kópbeıindi aýrýhana mańynan «Baq – Bereke 2030» JShS velojol, 6 sporttyq oıyn alańyn salyp, aıaq sý kanaly, túngi jaryq shamdary men oryndyq, qoqys jáshikterin ornatqan. Sonymen qatar 20 717 kóshet pen, 61 myńǵa jýyq gúlder egilip, 10 450 sharshy metr aýmaq abattandyrylǵan.
Bolashaq alleıada atqarylyp jatqan jumysty qala ákimi Nurlybek Nálibaev aralap kórdi. Shahar basshysy merdiger jumysyn joǵary baǵalap, jasyl jelekti kóbeıtý maqsatynda qala turǵyndaryn tal kóshetterin otyrǵyzýǵa úndeý kerektigin aıtty.
Shahar basshysy «Jumyspen qamtý jol kartasyna» saı atqarylǵan jumystardy da tekserdi. Qazirgi tańda «Syr Ana» monýmentin qaıta jańǵyrtý jumystary tolyǵymen aıaqtaldy. «Tehnosnaska - Remservıs» JShS 3150 sharshy metr aýmaqty kógaldandyryp, 348 dana aǵash kóshetterin otyrǵyzyp, 7 900 sharshy metrge gazon kógal tósegen. Sonymen qatar, 10 454 sharshy jerge jaıaý júrginshiler joly men 2 komplekt sporttyq-oıyn alańy, 2 sý burqaq salyndy.
S.Beıbarys kóshesinen Qyzyljarma kanalyna deıin 4,6 shaqyrymdy quraıtyn magıstraldi jol qurylysy qarqyndy júrýde. «Qyran» JShS joba boıynsha kúre jol boıyna 3 shaqyrymǵa jýyq velojol men jaıaý júrginshi jolyn, 3 avtoturaq, 4 aıaldama ornatyp, túngi jaryq shamdarmen qamtıdy. Qazirgi ýaqytta 1,7 shaqyrym jolǵa qıyrshyq tas tóselip, damby boıyn taspen bekitý jumystary júrgizilýde.
Memlekettik baǵdarlama negizinde júzege asqan jobanyń biri Nursultan Nazarbaev dańǵylyn abattandyrý jumystary. Syr súleıleri alleıasynan bastaý alyp Tasbóget kentine deıin jalǵasatyn uzyndyǵy 8 shaqyrymnan asa jol boıyn kógaldandyryp, 4 sýburqaq pen trotýar salýdy «Asanas - Dar» JShS jaýapkershilikke alǵan. Merdiger joba aıasynda 180 adamdy jumyspen qamtyǵan.
