Kópqabatty turǵyn úı aýlasyna kirip, esik aldynda jatqan jabaıy ańdy sol jerdiń turǵyndary vıdeoǵa túsirip, ınstagramǵa júktegen. Beıne-jazbadan er adamnyń "qaroańyzdar, qasqyr" degen sózin estýge bolady. Artynsha esikti qalqalaǵan adam qasqyrǵa oq atyp óltirgenin de baıqaýǵa bolady.
Jeli qoldanýshylary júktelgen vıdoǵa baılanysty óz narazylyqtaryn bildirdi. Olardyń aıtýynsha, bul - panasyz janýarǵa jasalǵan qatigezdik.
Jergilikti polısııa qyzmetkerleri ózderiniń oqıǵa ornyna barǵanyn rastap otyr. Dese de, olar janýardy atýǵa qatysy joq ekenin málimdedi. Sonymen qatar, Ekibastuz ákimdiginiń qyzmetkerleri janýar evtanızasııalanǵanyn habarlady.
"Búgin tańǵy saǵat 8-de Ekibastuz qalalyq polısııa bóliminiń kezekshiligine 22-shaǵyn aýdan aýmaǵynda qasqyr júgirip júrgeni týraly qońyraý kelip tústi. Veterınarlyq stansııanyń mamandary polısııa qyzmetkerlerimen birge oqıǵa ornyna shyǵyp, jabaıy janýardy evtanızasııalady. Qasqyrdyń máıiti ári qaraı saraptaý úshin veterınarııalyq zerthanaǵa jiberiledi", dep habarlady Ekibastuz qalasy ákimdiginiń veterınarııa bólimi.
