QOSTANAI JULDYZDARY TAǴY DA JARQYRADY

Sońǵy eki-úsh aptanyń ishin­de Qostanaıdyń óner jul­dyzdary taǵy da jarqyrap kórindi. Halyqaralyq baı­qaýlarǵa qatysqan tórt ánshi júldeli oryndardy ıelenip qaıtty. Italııanyń Lýnıgo qala­synda ótken “HHI ǵasyr­dyń óneri” atty baıqaýda E.О́mir­zaqov atyndaǵy oblys­tyq fı­lar­monııanyń ánshisi Gúlmıra Úmbetova gran-prıdi jeńip aldy. Jas ánshi sońǵy úsh-tórt jyldyń ishinde birqatar halyq­aralyq baıqaýlarǵa qatysty. “Romansıada–2007” halyqara­lyq baıqaýynan 1-oryn­dy, B.Tólegenova atyn­daǵy baı­qaýda 3-oryndy ıelengen edi. 2008 jyly Ispanııada Mon­tserrat Kabale atyndaǵy baı­qaýda da óziniń ánshilik qary­myn álemge áıgili juldyzdar arasynda synap qaıtqan bolatyn. – Men on bes adamnan quralǵan qazylar alqasynyń aldynda birneshe tilde ánder jáne operalardan arııalar aıttym. Sonyń ishinde qazaq tilinde oryndaǵan “Qazaq valsin” tyńdaǵanda zaldyń da, qazylar alqasynyń da erekshe áserlengenin, qoshemettiń erekshe bolǵanyn baıqadym,–deıdi Gúlmıra. Chelıabi qalasynda ótken akterlik ánder halyqaralyq baıqaýyna qatysqan Qostanaı­daǵy orys drama jáne qýyr­shaq teatrynyń aktrısasy Iýlııa Kýdrıashova birinshi oryndy ıelendi. Ol Uly Otan soǵysy jyldarynyń kórinisin beretin “Duǵa” shyǵarmasyn oryndaǵanda zaldaǵy kórer­mender jylap otyrdy. Uly Jeńistiń 65 jyldyǵyna oraı bul ándi durys tańdaǵanyna da kóńili tolatynyn aıtty talantty aktrısa. Reseıdiń Sverdlov oblysy­nyń Nıjnıı Tagıl qalasynda jas oryndaýshylardyń búkil­reseılik baıqaýyna qatysqan Batyrhan Málikov te bas júldeni qanjyǵasyna baılady. Jas ánshi Batyrhannyń bul birinshi júldesi emes. Ol birneshe halyqaralyq baıqaý­lardyń júldegeri bolyp úlger­di. Ol ótken jyly “Berlın jaquttary” baıqaýynan 3-oryn alǵan bolatyn. Nıjnıı Tagıldegi baıqaýda jas talant­tarǵa joǵary oqý oryndary úshin berilgen eki granttyń bireýin Batyrhan ıemdendi. Bıyl 11-synypty bitiretin jas talant úshin bul zor jetistik. Al Sankt-Peterbýrg qala­synda ótken halyqaralyq vokal baıqaýynan oblystyq fılarmonııanyń ánshisi Nıkı­ta Ivlev te oljaly oral­dy. Ol baıqaýdyń “Estrada” nomına­sııasynan birinshi oryn aldy. Onyń “akade­mııa” nomı­na­sııasy boıynsha oryndaǵan qazaq tilindegi “Tolǵaý” ánine kórermender súısine qol soq­ty. Qostanaı­lyq juldyz­dar­dyń syrt jerlerdegi osyndaı bedeldi baıqaýlarda baǵyn synaýyn qoldaǵan oblys bas­shy­lyǵy olarǵa qarjylaı kómektesti. Jas talanttar óz múmkinshiligin synaýmen birge eldiń, jerdiń atyn shyǵaryp keldi. Názıra JÁRIMBETOVA, QOSTANAI.