-Men áleýmettik jelilerge túsetin barlyq aqparattardy muqııat qarap otyramyn. Tek Josaly kentinde ǵana emes, aýyldyq eldi mekenderde de sanıtarlyq tazalyqqa qatysty túsetin shaǵymdar az emes. Árbir mekeme basshysy osy jumysty baqylaýda ustap otyrýy kajet. Josaly kenti men eldi-mekenderdiń sanıtarlyq-epıdemıologııalyq jaǵdaıy barlyq jaýapty tulǵalardyń únemi baqylaýynda bolýy tıis, dedi aýdan ákimi.
Kent ákimi Sh. Sydyqov aýdan basshysyna tazalyq mekemesimen kelisim shartqa otyrmaǵan jeke sektordaǵy kópqabatty turǵyn úı ıelerine qatysty jasalyp jatqan jumystar jaıly aıtyp berdi. Jalpy bul baǵytta atqarylyp jatqan is az emes. Osyndaı ıgilikti iske turǵyndar da atsalysýy kerek. О́ıtkeni, tazalyq birdiń emes, myńnyń isi.
