Sharaǵa qatysqan ýnıversıtet rektory Ǵalymqaıyr Mutanov, Qazaqstannyń Ulybrıtanııadaǵy Tótenshe jáne О́kiletti elshisi, ǵalymnyń uly Erlan Ydyrysov pen qyzy Quralaı Ábilfaıyzqyzy, Jýrnalıstıka fakýltetiniń dekany Saǵatbek Medeýbek jáne zııaly qaýym ókilderi Á.Ydyrysov atyndaǵy oqý-óndiristik dárishananyń ashylý rásimine qatysyp, qaıratker shyǵarmashylyǵyna qatysty qundy qujattarmen tanysty.
Konferensııanyń ashylý saltanatynda ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanov kirispe sóz sóılep, Ábilfaıyz Ydyrysovtaı tulǵanyń qazaq jýrnalıstıkasynyń damýyna qosqan súbeli eńbekterine toqtalyp ótti.
Qazaqstannyń eńbek sińirgen qaıratkeri Ábilfaıyz Ydyrysov «Qazaqstan pıoneri» gazeti redaksııasynda ádebı qyzmetker, bólim meńgerýshisi, redaktory «Lenınshil jas» gazetinde jaýapty hatshy, ál-Farabı atyndaǵy Qazaq Ulttyq ýnıversıtetinde aǵa oqytýshy, dosent, professor bolyp eńbek etti. Osy jyldar ishinde onyń qalamynan shyqqan segiz júzden astam pýblısıstıkalyq maqala, ocherkterin, gazet bezendirý, polıgrafııa isine arnasa, maqalalardy óńdeý jáne redaksııalaý sheberligine baılanysty «Qazaq jýrnalıstıkasynyń tarıhy», «Ocherk jýrnalıstıka janry retinde», «Baspa ónimderin ásemdeý», taǵy basqa da ádistemelik quraldary men oqýlyqtary búginde qazaq jýrnalıstıkasynyń sheberhanasynda joǵary suranysqa ıe eńbekter qatarynda atalady. Al M.Áýezov týraly «Áýezovke ińkárlik» degen ǵylymı-esse kitaby, «Ahań men «Qazaq» gazeti jaıly aqıqat», «Adamzat mádenıetiniń órkeni», «Qaraqaılyny bılegen qazaqtar», «Qazaqtyń attary beımálim patshalary, baspagerleri», «Skun kasak-kósem qazaq», «Tereń tarıhtyń óshpes izi» zertteýleri de ǵylymı ortaǵa keńinen málim. Professordyń shyǵarmashylyǵyndaǵy «Berik», «Aıjannyń ǵashyǵy», «Ańsaǵan meniń ánimsiń», «Aqsúıek», «Ker buzaýdyń ólimi» povesterin, «Tańsholpan» romany ádebıetimizge qosylǵan súbeli eńbekteri qatarynda atalady.
«Uly Muhtar Áýezovtiń kózin kórgen, Taýman Amandosovtyń ózi «Altaı» dep erkeletken, Temirbek Qojakeevtiń úzeńgilesi bolǵan dara tulǵa» degen tirkestermen esimi óriletin ǵalymnyń shákirtteri osy konferensııa aıasynda sóz alyp, ǵalymnyń ustazdyq jyldarymen baılanysty estelikterimen bólisti. Olardyń qatarynda aqyn, Qazaqstan Jazýshylar odaǵy tóraǵasynyń orynbasary, f.ǵ.d., professor Baýyrjan Jaqyp, jazýshy, baspager, jýrnalıst Yrym Kenenbaev, «Qazaqstan RTRK» AQ basqarma tóraǵasynyń keńesshisi Nurtileý Imanǵalıuly t.b. bar.
Basqosý QazUÝ Teleradıokesheni daıyndaǵan Ábilfaıyz Ydyrysov týraly derekti fılmmen jalǵasyn tapty. Halyqaralyq konferensııa ári qaraı Á. Ydyrysovtyń ómirimen, shyǵarmashylyǵymen baılanysty sharalarǵa ulasyp, ǵalym týraly kitaptardyń tusaýkeseri ótti. Konferensııa sońyna qaraı ǵalymnyń uly Erlan Ydyrysov fakýltettiń úzdik stýdentterine arnaıy shákirtaqy tabys etti.
