"Abaı" mádenı-iskerlik úıi 4 baǵyt boıynsha jumys isteıdi. Birinshi baǵyty mádenı-gýmanıtarlyq jáne qazaq tilin úıretý jobalaryn qamtysa, ekinshi "Atameken" iskerlik baǵyty boıynsha qandastardyń eki jaqty tıimdi bıznes jobalaryna qoldaý kórsetiledi. Úshinshi "Jas qazaq" baǵyty arqyly álemdegi jas qandastardy elge tartý, birlesken jobalardy júzege asyrý kózdelgen. Tórtinshi "Atajurt" baǵyty arqyly sheteldegi qazaq tildi BAQ-tyń qaýymdastyǵyn quryp, ózara aqparattyq yntymaqtastyqty arttyrý josparlanyp otyr. "Abaı" mádenı-iskerlik úıleri jyl sońyna deıin О́zbekstannyń Táshkent, Túrkııanyń Stambýl, Qyrǵyzstannyń Bishkek, Germanııanyń Berlın qalalarynda da ashylmaq. Bul QR Aqparat jáne qoǵamdyq damý mınıstrligi, Dúnıejúzi qazaqtary qaýymdastyǵy jáne "Otandastar qorynyń" birlesken jobasy.
Ombydaǵy "Abaı" mádenı-iskerlik úıiniń ǵımaraty qalanyń ortalyǵyndaǵy Shoqan Ýalıhanov kóshesiniń boıynda jáne aǵartýshy ǵalym oqyǵan Omby kadet korpýsynyń janynda ornalasqan.
Ortalyqtyń onlaın túrde ótken ashylý rásimine QR Aqparat jáne qoǵamdyq damý vıse-mınıstri M. Ázilhanov jáne RF Omby oblysy Úkimetiniń óńirlik saıasat jáne buqaralyq kommýnıkasııa mınıstriniń orynbasary Iý. Nazarenko, QR RF Ombydaǵy Bas konsýly E. Súgirbekov. "Otandastar qory" KEAQ vıse-prezıdenti M. Sarbasov qatysyp, óz quttyqtaýlaryn jetkizdi.
