– Qalada bilim mekemeleri tolyqtaı ınternet jelisine qosylǵan. Búginde «Qazaqtelekom» AQ-y arqyly bilim berý uıymdarynyń ınternet jelisiniń jyldamdyǵyn 8 Mb/s - 12 Mb/s-qa deıin ulǵaıtý maqsatynda qosymsha kelisimsharttar túzilýde. Al qala shetindegi ınternet jyldamdyǵy tómen eldimekender boıynsha Shymkent qalalyq Sıfrlandyrý basqarmasy «Qazaqtelekom» AQ-men birlese otyryp, 8 orynǵa baılanys stansııasyn ornatý jumystary júrgizilýde, – dedi J.Tájıeva.
Spıkerdiń sózine súıensek, qalada 17 701 otbasyǵa «Bilim al» ınternet-tarıfine qosylǵan SIM kartalar berilip, 760 otbasyǵa kabeldi ınternet jelisi tartylǵan.
Brıfıng barysynda Janat Arysbekqyzy bıyl bilim alý onlaın formatta júrgizilýine baılanysty ata-analar tarapynan kompıýterlik tehnıka jáne ınternetpen qamtamasyz etý máseleleri jóninde birqatar aryz-shaǵym túskenin tilge tıek etti. Onyń aıtýynsha, bul ótinishter boıynsha tıisti jumystar júrgizilip jatyr.
Aıta keteıik, qaladaǵy bilim berý uıymdary tolyq sanıtarlyq qajettiliktermen qamtamasyz etilgen.
Shymkent aqparattyq-kommýnıkasııalyq ortalyǵy
