Alǵashqy jedel járdem kólikteri Nur-Sultan, Almaty qalalaryna jáne Soltústik Qazaqstan oblysyna tapsyryldy. Búginde 18 birlik otandyq jedel járdem kóligi Nur-Sultan qalasynyń ákimdigine berildi. Qyrkúıek aıynyń sońyna deıin Qazaqstannyń barlyq óńirlerine otandyq óndiristiń 360 birligi jetkiziledi.
Jalpy, QR Densaýlyq saqtaý mınıstrligi men óńirlerdiń medısınalyq mekemeleriniń sanıtarlyq kólik parkin jańartý baǵdarlamasy boıynsha 1 167 birlik sanıtarlyq avtokólik jetkizý josparlanǵan, olar aǵymdaǵy jyldyń sońyna deıin jetkiziledi. Sanıtarlyq kólikti jańartý baǵdarlamasyna "SaryarqaAvtoProm" JShS, "SemAz" JShS jáne "Hyundai Trans Auto" JShS otandyq óndirýshileri qatysýda.
Jańa jetkizilimder "Jac Sunrey", "Hyundai H350" jáne "GAZel NEXT" otandyq avtomobılderinen turady. Búginde Qazaqstan zaýyttarynda 700-ge jýyq maman jumys istep jatyr. Qazaqstanda eskirgen sanıtarlyq kólikti jańartý jónindegi baǵdarlama densaýlyq saqtaý júıesin jáne otandyq óndiristi damytýǵa yqpal etedi.
Baǵdarlamanyń jahandyq maqsaty - qazaqstandyqtardyń densaýlyǵyn saqtaý, medısınany, sondaı-aq mashına jasaý salasyn damytý, otandyq avtoónerkásipti oqshaýlaý, jumys oryndaryn qurý.
