"Nur Otan" Qazaqstannyń batys óńirleriniń turǵyndaryna ne usynady?

primaries.kz saıtynda 216 saılaýaldy baǵdarlamanyń jobalary usynyldy, olardy halyqtyń pikirin eskere otyryp pysyqtaýdy josparlap otyr.

Máselen, Aqtóbe oblysynyń saılaýaldy baǵdarlamasynyń jobasynda jyl saıyn keminde 20 myń jańa jumys ornyn qurý jáne 2025 jylǵa qaraı ortasha jalaqyny keminde 200 myń teńgege deıin arttyrý mindeti qoıylyp otyr. Jyl saıyn keminde myń adamdy qaıta daıarlaý, keminde eki myń adamdy qysqa merzimdi oqytý jáne sheteldik jumys kúshine kvotany qysqartý júrgiziletin bolady.

Oblys halqynyń 29%-y aýyldyq jerlerde turatynyn eskere otyryp, óńirde eki jylyjaı keshenin, eki sút-taýar fermasyn, qus fabrıkasyn salýdy jáne Iri qara mal basyn ulǵaıtýdy josparlap otyr. Aýyl sharýashylyǵynyń dástúrli emes túrlerin – ara sharýashylyǵyn, maral sharýashylyǵyn, jıdek daqyldaryn ósirýdi damytýǵa erekshe nazar aýdarylatyn bolady.

О́ńirdiń tranzıttik áleýetin damytý úshin oblystyq mańyzy bar avtojoldardy, sondaı-aq aýdandyq mańyzy bar 2350 km joldardy salý jáne qaıta jóndeý josparlanýda. Bul sharalar 2025 jylǵa qaraı jaqsy jáne qanaǵattanarlyq jaǵdaıdaǵy jergilikti mańyzy bar joldardyń úlesin 56-dan 85%-ǵa deıin arttyrýǵa múmkindik beredi.

Partııa qorshaǵan ortaǵa aýyrtpalyqty azaıtý maqsatynda Aqtóbe hrom qosylystary zaýytynyń tehnologııalyq jabdyqtarynyń shań jáne gaz tazartý qondyrǵylaryn qaıta qurý jáne 2021 jyly 9 QTQ polıgonyn salý mindetin qoıyp otyr.

О́ńirde áli kúnge deıin úsh aýysymdy mektepter jumys isteıdi. Bilim berý sapasyn arttyrý úshin 16 jańa mektep salynady. Jalpy 1 jastan 6 jasqa deıingi balalardy mektepke deıingi mekemelermen qamtýdy 2025 jylǵa qaraı 86%-ǵa deıin jetkizý josparlanýda.

"Kedergisiz keleshek" partııalyq jobasy aıasynda 2021 jyly múmkindigi shekteýli jandarǵa arnalǵan 150 oryndyq ońaltý ortalyǵyn jáne 2022 jyly sport keshenin salý josparlanýda.

Batys Qazaqstan oblysynyń saılaýaldy baǵdarlamasy jobasynyń derekteri boıynsha óńirde qazirgi zamanǵy tehnologııalardy engizý jáne óndiristiń jańa túrlerin ıgerý esebinen damyǵan agroónerkásiptik keshendi qurý jónindegi jumys jalǵasady.

Partııa sút keshenin, 27 bordaqylaý alańyn salýdy, sýarmaly jer kólemin 56 myń gektardan 85,0 myń gektarǵa deıin keńeıtýdi usynady. Bul sharalar shamamen 10 myń sharýany keshendi qoldaýmen qamtýǵa múmkindik beredi.
Sondaı-aq, partııa koronavırýstyq pandemııadan zardap shekken ekonomıkalyq sektorlardyń iskerlik belsendiligin qalpyna keltirýge kómektesýge nıetti.

О́ńirde jyl saıyn "Qarapaıym zattar ekonomıkasy", "BJK-2025", "Eńbek" jáne t.b. baǵdarlamalary boıynsha keminde 7 myń jas jumysqa ornalasatyn bolady.

Sonymen qatar 800 shaqyrymnan astam joldy jóndeý josparlanýda, 59 aýyl ortalyqtandyrylǵan sýmen qamtamasyz etiledi, 73 eldimekende sýmen jabdyqtaýdyń keshendi blok-modýlderi ornatylady. Jyl saıyn óńirde 480 myń sharshy metr turǵyn úıdi iske qosý josparlanyp otyr, suryptaý jelileri bar 2 QTQ polıgony iske qosylady.

Búgingi kúni oblys turǵyndaryn tolǵandyratyn mańyzdy máselelerdiń biri - gazǵa joǵary tarıf (halyq úshin 17,24 teńge/m3). Tarıfti tómendetý maqsatynda "Nur Otan" partııasy Orynbor GО́Z-nen alynatyn tabıǵı gazdyń qunyn tómendetý boıynsha QR jáne RF Úkimetteri deńgeıinde kelissózder júrgizý mindetin qoıyp otyr. Sondaı-aq, halyq pen kásipkerler arasynda tarıfti saralaý máselesi qaralady.

Densaýlyq saqtaý salasyndaǵy qyzmetterdiń sapasyn arttyrý úshin partııa 2 emhana, aýrýhanalarǵa 3 korpýs salýdy josparlap otyr. Bilim berý sapasy men qoljetimdiligin qamtamasyz etý maqsatynda partııa músheleri 21 jalpy bilim beretin mektep salý, sondaı-aq mektepter men balabaqshalardy beınebaqylaý júıelerimen 100% jabdyqtaý boıynsha mindetter qoıyp otyr.

Mańǵystaý oblysynyń saılaýaldy baǵdarlamasynyń jobasynda óńirdiń damý rezervteriniń biri Aqtaý, Quryq teńiz porttary jáne "Aqtaý teńiz porty" AEA, sondaı-aq, Aqtaý jáne Jańaózen qalalaryndaǵy ındýstrııalyq aımaqtar bolyp tabylady. Partııa munaı óndirý kólemin saqtaýdy qamtamasyz etýge, sheteldik ınvestısııalardy tartýǵa jáne "Aqtaý teńiz porty" AEA-da ınjenerlik ınfraqurylymdy qurýdy aıaqtaýǵa yqpal etetin bolady.

Turǵyn úımen qamtamasyz etý deńgeıin arttyrý úshin qalalarda 48 kóppáterli úı jáne oblys aýdandarynda 89 úı salynady. Partııa Aqtaý qalasyndaǵy jańa onkologııalyq dıspanserdiń jáne Jańaózen qalasyndaǵy qalalyq aýrýhananyń terapevtik korpýsynyń qurylysyn aıaqtaýǵa, aýyldyq eldimekenderde 7 otbasylyq-dárigerlik ambýlatorııa qurylysyn aıaqtaýǵa qol jetkizetin bolady.

3 aýysymdyq oqytýdy joıý úshin qalalar men aýdandarda 20 jańa mektep, jumys istep turǵan mektepterge japsarlas qurylystar salý, úıde qashyqtyqtan oqytý júrgizý úshin az qamtylǵan otbasylardan shyqqan balalardy kezeń-kezeńimen kompıýterlik tehnıkamen qamtamasyz etý josparlanýda.

Atyraý oblysynda 5 jyl ishinde 103 myń jańa jumys orny ashylady. Jańa bıznes-ıdeıalardy iske asyrý úshin 141 jobaǵa óteýsiz granttar beriletin bolady.

О́ńir turǵyndaryn tolǵandyratyn ekologııa máseleleri belsendi túrde sheshiletin bolady. Mysaly, munaı-gaz kásiporyndarynda atmosferalyq aýany onlaın-rejımde baqylaý júıesi ornatylady.

Sondaı-aq 3,5 mln sharshy metr turǵyn úı salý, 300 km-ge jýyq avtomobıl joldaryn jóndeý, 63,5 km sý qubyry jelilerin salý, Qurmanǵazy aýdany Aqkól aýylyndaǵy sý tazartý ǵımaratyn qaıta jańartý josparlanýda.

Sapaly bilimge qoljetimdilikti qamtamasyz etý maqsatynda 9 jańa mektep jáne 56 balabaqsha salynady. О́ńirde óner mektebi, mýzyka mektebi jáne oqýshylar saraıy ashylady.

Jastardy jan-jaqty qoldaý úshin óńirde jyl saıyn keminde 5 myń jasty jumysqa ornalastyrý josparlanýda. Partııa 6 stýdenttik jataqhana salý mindetin qoıyp otyr.