Bul qarjynyń bir bóligi óńirdegi emhanalar men aýrýhanalardyń aýmaǵyna ottegi stansalaryn qoıýǵa jumsalýda. Osy oıǵa alǵan istiń alǵashqy nátıjesi ońynan bola bastaǵandaı. Mysaly, Panfılov aýdanyndaǵy ortalyq aýrýhana janyna ottegi stansasy ornatylyp jatyr eken. Quny 76 mln teńgeni quraıtyn joba qazan aıynda iske qosylmaq. Qazir stansany ornatý jumystary bastaldy.
– Bul stansa saǵatyna 50 metr tekshe metrge deıin ottegi quıýǵa qaýqarly. Iаǵnı, bir mezette 120 naýqasqa qajetti ottegi beriledi. Buǵan deıin Almatydan aýyr ballondardy tasıtynbyz. Endi mine, bul másele de sheshildi. Budan bólek osy pandemııa kezinde bizdiń ortalyq aýrýhanaǵa kásipkerler men qaıyrymdy azamattar onnan astam ottegi konsentratyn, basqa da qajetti medısınalyq jabdyqtardy tartý etti. Memleket tarapy da qajetti kómekterdi kórsetýde. Aldaǵy ýaqytta bolýy múmkin indettiń ekinshi tolqynyna bizdiń óńir tolyqtaı daıyn. Tek turǵyndar barlyq eskertý men sanıtarlyq talaptardy saqtasa bolǵany, – deıdi Panfılov aýdandyq aýrýhanasynyń bas dárigeri Tóleý Sarpekov.
Jalpy, koronavırýs indeti irgeni túrgeli Panfılov aýdanynda 139 adam osy dertke shaldyqqan eken. Qazir naýqastar tolyq jazylyp shyqqan. Al aýdan boıynsha sanıtarlyq saqtandyrý jumystary joǵary deńgeıde júrgizilýde.
Aıtpaqshy, oblys boıynsha bólingen qarjyǵa 10 ottegi stansasyn ornatý josparlanǵan bolatyn. Demek, jaqyn ýaqytta ortalyq aýrýhanalardyń janynan ashylatyn arnaıy stansa sany kóbeıedi. Sondaı-aq juqpaly indetpen kúresý úshin qosymsha 150 ókpeniń jasandy jeldetý qurylǵysyn, 100 ottegi konsentratoryn, 3 kompıýterlik tomograf jáne 3 sıfrly rentgen apparatyn satyp alý úrdisi aıaqtalǵan. Qajetti medısınalyq qural-jabdyqtardyń bári aýdandarǵa jiberilmek.
Almaty oblysy
