"Máselen, naýryz-qyrkúıek aılarynda qylmys jasaǵany úshin aıyptalyp, aldyn ala tekserý, tergeý jáne sot organdarynan boı tasalap júrgen tulǵalardy izdestirý ári ustaý, sondaı-aq, iz-tússiz joǵalǵandardyń júrgen jerin anyqtaý maqsatynda TMD elderiniń aýmaǵynda "Izdestirý" birlesken is-sharasy ótkizildi. Shara kezinde izdeýde júrgen 3 qylmyskerdiń О́zbekstan Respýblıkasynda, al Reseı Federasııasy, Ýkraına jáne Moldova Respýblıkalarynyń aýmaǵynda bir-bir qylmyskerdiń boı tasalaǵany anyqtaldy. Sonymen qatar Reseı Federasııasy men О́zbekstan Respýblıkasynyń quqyq qorǵaý organdarymen birlesken sharada izdeýdegi 7 qylmyskerdiń Atyraý oblysynyń aýmaǵynda júrgeni belgili boldy", dep habarlady oblystyq polısııa departamentiniń baspasóz qyzmeti.
Sondaı-aq atyraýlyq polıseıler habar-osharsyz ketýine oraı izdeý jarııalanǵan 29 adamnyń 26-nyń mekenjaıyn anyqtady. Olar otbasyna oraldy.
