О́ńir basshysy R.Gıklǵa iltıpat bildirip, kezdesý ekijaqty belsendi yntymaqtastyqtyń bastaýy bolatynyna senim bildirdi.
"Bizdiń óńir ózara áriptestik boıynsha kez -kelgen dıalogqa ashyq jáne ınvestısııalar tartýǵa múddeli. Biz óz tarapymyzdan "Aqtaý teńiz porty AEA" erkin ekonomıkalyq aımaǵynda ınvestısııalyq jobalardy ornalastyrýdy usyna alamyz. Barlyq qyzyǵýshylyq tanytqan kásipkerlerge qoldaý kórsetýge daıynbyz jáne Sizderdi ózara tıimdi yntymaqtastyqqa shaqyramyz", dedi Mańǵystaý oblysynyń ákimi S.Trumov.
Kezdesýde negizinen aýyl sharýashylyǵy, ónerkásip, jasyl tehnologııalar jáne startaptar boıynsha saýda-ekonomıkalyq yntymaqtastyqtyń jaı-kúıi men damý perspektıvalary máseleleri talqylandy. Sonymen qatar taraptar Aqtaýdy kólik haby retinde damytý múmkindikteri týraly aıtty.
Búginde Mańǵystaý oblysy Túrkııa, Reseı, Qytaı, Italııa, AQSh, Germanııa jáne t.b. iri sheteldik ınvestorlarmen óz qyzmetin júzege asyrýda. Mańǵystaý oblysy men Cheh Respýblıkasy arasyndaǵy jalpy taýar aınalymy 2020 jylǵy qańtar-shilde aralyǵynda 1640,49 myń AQSh dollaryn qurady. Mańǵystaý oblysynda cheh kapıtalynyń qatysýymen ekonomıkanyń túrli salalarynda 4 birlesken kásiporyn tirkelgen.
Oblysty damytýdyń basym baǵyttary kólik logıstıkasy, týrızm, agroónerkásiptik keshen jáne energetıka bolyp tabylady. Serikbaı Trumov agroónerkásip kesheni salasynda tabıǵı kún sáýlesiniń uzaqtyǵyn, mal sharýashylyǵyn, balyq sharýashylyǵyn damytýdy eskere otyryp, jylyjaı sharýashylyǵyn damytýǵa bolatynyn atap ótti.
Sonymen qatar Mańǵystaýdyń klımattyq jaǵdaıy óńirge elektr energııasynyń qosymsha resýrsy úshin kún jáne jel elektr stansııalaryn salýǵa múmkindik beredi. Sondyqtan balamaly energııa kózderin damytý mańyzdy sektor bolyp tabylady. Bul bolashaqta elektr energııasyn óndirýdiń barlyq dástúrli ádisterin joqqa shyǵaratyn eń perspektıvaly resýrstardyń biri bolmaq.
