Bul aýmaqta qazba jumystary ótken aptada bastalypty. Sáıkesinshe birneshe kúnniń ishinde arheologtar osyndaı jańalyǵyn bólisip otyr. Olardyń aıtýynsha, tabylǵan súıek bizdiń zamanymyzǵa deıingi IV-VI ǵasyrlarǵa tán.
"Joba 2-3 aıǵa eseptelgen. Qazba jumystarynyń basty maqsaty - ótkendi, temir dáýirinde qaıtys bolǵan adamardy jerleý rásimderi qalaı júzege asyrylǵanyn, qandaı tártip bolǵanyn zertteý. Bizdiń aýdanda mundaı qorymdar, qorǵandar men qulpytastar óte kóp. Qulpytastar 2012 jyldan beri zerttelip keledi. Biraq olardyń kópshiligi búlingen bolyp shyqty, ony anyqtaý is júzinde múmkin bolmady. Qorǵandardy zertteý arheologııa salasyndaǵy mamandardyń qatysýyn qajet etetin óte uzaq prosess. Meniń oıymsha, mundaı olja kóp nárse bilýge jáne kóptegen jańalyqtar ashýǵa múmkindik beredi", dedi aýdan ákimdigini ishki saıasat bóliminiń basshysy Nurjan Dúzbatyr.
Aıta keteıik, táýelsizdik jyldary bul baǵytta mundaı jumystar júrgizilmepti. Alaıda aýdandaǵy qorǵandardy áýesqoılar óz betinshe qazyp alyp, jaı tonap ketken jaǵdaılar da kezdesken. Dese aýmaqta zerttelmegen qorǵandar men qorymdar áli kóp.
