Qazaqstan Prezıdenti Nursultan Nazarbaevtyń atyna Ispanııa qoǵamdyq uıymdary basshylarynan Qaraǵandy eńbekpen túzeý lagerinde jazasyn ótegen ıspan tutqyndary týraly arhıvtik materıaldardy tapsyrǵany úshin zor alǵys aıtylǵan hat kelip tústi, dep habarlady Prezıdenttiń baspasóz qyzmeti.
Qazaqstan Prezıdenti Nursultan Nazarbaevtyń atyna Ispanııa qoǵamdyq uıymdary basshylarynan Qaraǵandy eńbekpen túzeý lagerinde jazasyn ótegen ıspan tutqyndary týraly arhıvtik materıaldardy tapsyrǵany úshin zor alǵys aıtylǵan hat kelip tústi, dep habarlady Prezıdenttiń baspasóz qyzmeti.
Bul materıaldar Ispanııa Úkimetiniń tóraǵasy M.Rahoıdyń Astanaǵa resmı sapary kezinde tabys etilgen edi.
«Siz burynǵy KSRO respýblıkalary arasynan bizdiń eldiń sonaý qasiretti jyldardaǵy tarıhı esteligin qalpyna keltirýde izgilik tanytqan jáne kómek kórsetken alǵashqy jáne ázirshe birden-bir Memleket basshysy bolyp tabylasyz. Biz Sizge tereń yqylasymyz ben rızashylyǵymyzdy bildiremiz», – delingen «AGE» qorynyń (Ispanııanyń soǵys jáne emıgrasııa muraǵattary) bas hatshysy D.Kabra, «Nostalgııa» qorynyń prezıdenti M.Arse jáne t.b. joldaǵan hatta.
Sondaı-aq, hat avtorlary óz týǵan-týysqandary men Ispanııanyń zertteýshi ǵalymdary úshin baǵa jetpes qundy qujattar bolyp sanalatyn materıaldardyń erekshe mańyzdy ekenin atap ótken.
Bul oqıǵa ıspandyq BAQ-tardyń jáne el jurtshylyǵynyń erekshe nazaryn aýdardy.
