Otyrysta QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysynyń birinshi orynbasary Baqytjan Nııazov 8 aı qorytyndysy týraly, al Qyzylorda oblysy boıynsha memlekettik satyp alý basqarmasynyń basshysy Ǵalym Edigeev "Memlekettik satyp alýlardy ortalyqtandyrý" pılottyq jobasynyń oryndalý barysy jaıly baıandady.
Habarlamadan keıin oblys ákimi Gúlshara Ábdiqalyqova memlekettik organ jetekshilerine sybaılas jemqorlyqqa qarsy qajetti sharalar qabyldaýdy tapsyrdy.
Sonymen qatar, kórsetiletin memlekettik qyzmetterdi sıfrlandyrý, memlekettik organdardyń ashyqtyǵyn arttyrý jáne azamattardyń aqparatqa qol jetimdiligin, turmystyq jemqorlyqty joıý, qoǵamdyq baqylaýdy qamtamasyz etý, memlekettik satyp alý zańnamalarynyń qatań saqtalýyn, taldaý jáne profılaktıkalyq jumystardy kúsheıtý baǵyttaryn naqty aıqyndady.
Aımaq basshysy memleket tarapynan kásipkerlik sýbektilerdiń zańdy múddeleriniń qorǵalýyna basa nazar aýdarý qajettigin erekshe atap ótti.
