Otyrysta jyl basynan beri bóten múlkin urlaýdyń aldyn alý boıynsha atqarylǵan sharalar men óńirlikquqyq buzýshylyq profılaktıkasynyń 2020-2022 jyldarǵa arnalǵan keshendi josparynyń oryndalýy týraly aıtyldy.
Bıylǵy 8 aıdyń kórsetkishi boıynsha óńirimizde tirkelgen urlyq qylmysy 58% tómendegen, atap aıtsaq, uıaly telefon urlyǵy 59%, páter urlyǵy 64%, kólik urlyǵy 69%, mal urlyǵy 14% azaıǵan. Jalpy materıaldyq shyǵyn 81 mln teńge bolyp otyr.
Oblys ákimi polısııa departamenti basshylyǵy menqala, aýdan ákimderine urlyqtyń barlyq túrlerine profılaktıka baǵytynda jumysty kúsheıtýdi tapsyrdy.
"Birinshi kezekte qylmysty boldyrmaýǵa, jolyn kesýge baǵyttalǵan profılaktıkalyq sharalardyń kúsheıtilýi qamtamasyz etilsin, urlyqtyń aldyn alýda ýchaskelik polısııa ınspektorlarynyń jaýapkershilikteri arttyrylsyn. Urlyqtyń túrleri boıynsha "Qylmystyq kartaǵa" sáıkes jergilikti polısııa qyzmetiniń patrýldeý marshrýtyn urlyqqa beıim turǵyn aýdandarǵa qaıta baǵdarlaý qajet. Sonymen qatar, kópqabatty úılerdiń kireberisterin temir esiktermen, elektrondy qulyptarmen, domofondarmen, beınekameramen jabdyqtaýdy uıymdastyrý kerek. Páter urlyǵyna tosqaýyl qoıý úshin birlesip, turǵyndardyń óz baspanalarynyń qaýipsizdik júıelerimen jabdyqtaý qajettigi túsindirilsin. Aýyl turǵyndaryna qaraýsyz maldyń uryǵa jem bolatynyn eskertip, pada men baqtashylardy jaldaý tıimdiligi keńinen túsindirilý kerek. Sondaı-aq, maldardy sáıkestendirý men tańbalaý jumystary júıeli túrde júrgizilsin jáne quzyrly organdarymen birlesip, et ónimderin satý jáne óndeýmen aınalysatyn oryndarǵa baqylaý kúsheıtilsin", dedi oblys ákimi.
