Tetıs muhıtyn mekendegen balyq

Tabıǵat mýzeıiniń meńgerýshisi Gúljan Nazymbetovanyń aıtýynsha, bul ejelgi balyq qańqasynyń jaqsy saqtalǵan kúıde alǵashqy ret kezdesýi. Osy ýaqytqa deıin Tetıs muhıty tirshilik ıeleriniń tasqa aınalǵan qaldyqtary, teńiz baldyrlary men janýarlarynyń súıekteriniń izderi, shógindilerden akýla tisteri de tabylǵan bolatyn. Aldyn ala boljam boıynsha, bul balyq eosen kezeńinde (50-30 mln jyl) tirshilik etken. Qazirgi Qostanaı ólkesiniń aýmaǵy bizdiń zamanymyzǵa deıingi 60-30 mln jyl buryn kóne Tetıs muhıtynyń túbi bolǵan. Ol kezeńde Jerorta, Qara, Azov, Aral jáne Kaspıı teńizderdiń bederi áli qalyptaspaǵan-dy. Munda teńiz tirshiligi órkendep, kıtter júzip, akýlalar men balyqtardyń san alýan túrleri, marjandar ósip, daýyldar kóterilgen.

О́ńirden tabylǵan oljany «Soko­lov-Sarybaı ken-baıytý óndiristik bir­lestigi» AQ jetekshi ǵylymı uıym retinde Almatydaǵy «Ǵylym orda­synyń» Tabıǵat mýzeıine berýdi uıǵarǵan bolatyn.

Bıyl qyrqúıek aıynda karan­tındik jeńildikterden keıin mýzeı qyzmetkerleri osy balyqtyń qań­qasyn topyraqtan tazartyp, Alma­tyǵa ákeldi. Ǵylymı zertteýler men qalypqa keltirý jumystary aıaqtal­ǵan soń eosen kezeńiniń balyǵy mýzeı eks­pozısııasynan oryn alatyn bolady.

ALMATY