Oral qalasyndaǵy «DaıvPromTehServıs» JShS elimizde óte sırek kezdesetin kásippen aınalysady. Atap aıtqanda, jekemenshik kásiporyn sý astyndaǵy tehnıkalyq jumystardy sapaly túrde atqara alady. Onyń jetekshisi, jańashyl ınjener Svetlana Lakeevanyń sý astyndaǵy jumystyń mańyzy men ereksheligin dáleldep bergen tyń jobasy memlekettik grantty jeńip alypty. Oǵan óz qarajatyn qosqan menshik ıesi arnaıy qural-jabdyqtarmen ózderin tolyq jabdyqtaǵan.
Oral qalasyndaǵy «DaıvPromTehServıs» JShS elimizde óte sırek kezdesetin kásippen aınalysady. Atap aıtqanda, jekemenshik kásiporyn sý astyndaǵy tehnıkalyq jumystardy sapaly túrde atqara alady. Onyń jetekshisi, jańashyl ınjener Svetlana Lakeevanyń sý astyndaǵy jumystyń mańyzy men ereksheligin dáleldep bergen tyń jobasy memlekettik grantty jeńip alypty. Oǵan óz qarajatyn qosqan menshik ıesi arnaıy qural-jabdyqtarmen ózderin tolyq jabdyqtaǵan.
– Biz sý astynda qubyrlar men kabelder júrgizemiz. Metall qurylǵylaryn qurastyramyz. Gıdrotehnıkalyq nysandardy da jóndeı alatyn seriktestik teńiz túbindegi jaǵdaıǵa monıtorıng te jasap bere alady. Bul erekshe jumystardyń bári tıisti kelisimshart pen tapsyrys boıynsha atqarylady, – deıdi JShS jetekshisi.
Bizdi taǵy bir qyzyqtyrǵan jaıt, «DaıvPromTehServıstiń» sýda ózderin balyqtaı erkin sezinetin mamandary sonymen birge ózen, kólder men teńiz túbinde ne bolyp jatqanyn tekserip bere alady. Bul jumystardy júrgizetin arnaıy mamandandyrylǵan súńgýirler bar. Olar sý asty álemin túsiretin arnaıy beınekameralarmen jabdyqtalǵan. Osy arqyly qarasańyz sý asty qoqysqa toly ekenine árkim kózin jetkize alady. Munda neler joq deısiz? Kádimgi turmystyq qaldyqtardan basqa baıaǵyda sýǵa batyp ketip, sý astyn máńgi meken etken qaıyqtar men katerlerdi kórer edińiz.
Aıtalyq, Jaıyq ózeniniń ekologııalyq jaǵdaıy jóninde jıi aıtylǵanymen, ony tazartý jumystary áli kúnge deıin qolǵa alynbaǵanyna S.Lakeeva úlken qynjylys bildirdi.
– Súńgýir – elimizde óte sırek kezdesetin mamandyqtardyń biri. Mundaı kásip ıeleri kez kelgen jerden taptyra bermeıdi. Osyndaı zárýlik pen tapshylyqty qalaı rettep júrsiz? Biz kókeıge kelgen osy saýaldy arnaıy mamandandyrylǵan kásiporyn ıesine qoıdyq. Ol buǵan tosylmaı tómendegishe jaýap qaıtardy.
– Onyń eshqandaı qupııasy da, qıyndyǵy da joq. Men «DaıvPromTehServısten» basqa «Lakeeva J.K.» men «Jeke oqytý mekemesine» jetekshilik etemin. Onyń birinshisi jumysshy mamandardy daıarlaý jáne qaıta daıarlaý, kásibı deńgeılerin kóterý máselelerimen shuǵyldanady. Al, ekinshisi olardy attestasııadan ótkizedi. Zań talaptary boıynsha ózim daıarlaǵan mamandardy ózim attestasııadan ótkizýge bolmaıdy eken. Sondyqtan, belgilengen erejege sáıkes jeke oqytý mekemesin qurýǵa týra keldi. Sóıtip, ózim daıarlaǵan mamandardy «Jeke oqytý mekemesi» arqyly attestasııadan ótkizip júrmin. Osy arada aıtaıyn degenim, ortalyq súńgýirlerdi de ózderi daıarlaıdy. Sondaı-aq, sý astyndaǵy tehnıkalyq jumystardy atqarýǵa daǵdylandyrý úshin arnaıy kýrstar men naqty tájirıbelik sharalar júrgizemiz, deıdi S.Lakeeva.
Iá, sý astyndaǵy san alýan jumystardy atqarýǵa bastamashy bolyp júrgen Svetlana Lakeeva hanymnyń isine tańǵalmasqa, tánti bolmasqa lajyń joq. Mundaı is-áreket batyl, erik-jigeri mol adamdardyń qolynan ǵana kelse eken. Solardyń biri, biri emes-aý biregeıi áıel zaty bolǵanyna qaramastan, ótkirlik pen tapqyrlyq ári kásibılik úlgisin kórsetip júrgen búgingi keıipkerimiz ekeni haq.
Temir QUSAIYN,
«Egemen Qazaqstan».
ORAL.
