"Ol adamdardy úıdi nemese kólikti tıimdi túrde naryqtyq baǵadan edáýir tómen baǵamen satyp alýǵa bolatyndyǵyna sendirgen. Árıne, bul úshin qarajat qajet bolady. Keıbir áleýetti klıentter birden birneshe obektilerdi alýǵa úmittenip, aqsha bergen. Mysaly, jábirlenýshilerdiń biri oǵan 182 mıllıon teńge, taǵy bir ańǵal azamat 386 myń AQSh dollaryn tapsyrǵan", dedi Almaty qalalyq qylmystyq polısııa departamentiniń bastyǵy Erkin Ińkárov.
Departament bastyǵy er adamnyń jábirlenýshiler aldynda eshqandaı mindettemelerdi oryndamaǵanyn jáne oılaǵan joq dep atap ótti. Kúdikti ózine eki páter, avtokólik satyp alyp, shetelge ushyp ketipti.
"Qazirgi ýaqytta kúdikti ustalyp, Almaty qalalyq DP ýaqytsha ustaý ızolıatoryna qamaldy. Ol Qazaqstan Qylmystyq kodeksiniń 190-babynyń 4-bóligi - iri kólemdegi alaıaqtyq boıynsha kúdikti bolyp otyr", dep qosty polkovnık Ińkárov.
Búginde keltirilgen materıaldyq shyǵyn mólsheri shamamen mıllıon dollarǵa jýyq.
"Osy adamnyń qylmystyq is-áreketterinen zardap shekken azamattardan 8-701-666-69-54, 8-707-834-83-33 nemese 102 telefondary arqyly baılanysýdy suraımyz", delingen habarlamada.
