Servıste qujattardy qashyqtan tekserý, kásipkerdi sáıkestendirý, tirkeýdi rastaý boıynsha birqatar zamanaýı tehnıkalyq sheshimder bar. Joba aıasynda Sıfrlyq damý mınıstrliginiń, Kaspi.kz, Memlekettik kirister komıtetiniń jáne "E-lısenzııalaý" memlekettik málimetter bazasynyń aqparattyq júıeleri biriktirildi.
"Memlekettik qyzmetterdi bıznes arqyly usyný ıdeıasy mınıstrliktiń komandasyna tıesili. Sodan keıin - "UAT" AQ men Kaspi.kz-tiń úılestirilgen jumysy. Bul el úshin tarıhı sát - neǵurlym tanymal qyzmetter boıynsha memlekettik qyzmetter kórsetý. Biz bıznespen belsendi túrde jumys isteıtin bolamyz, óıtkeni halyqqa qyzmetterdi tańdaý múmkindigi bolýy kerek", dedi Baǵdat Mýsın, Qazaqstan Respýblıkasynyń sıfrlyq damý, ınnovasııa jáne aeroǵarysh ónerkásibi mınıstri.
Mınıstrdiń aıtýynsha, mundaı ózara is-qımyl onsyz da eskirgen elektrondy úkimet saıty aýyrtpalyǵyn edáýir azaıtady jáne memlekettik qyzmetter kórsetýdiń jańa múmkindikterin týdyrady. Jeke kásipkerdi tirkeý - bul úlken josparlardy júzege asyrýdyń alǵashqy qadamy jáne bastamasy. Endi qazaqstandyqtar memlekettik qyzmetterdi ózine unaıtyn jerde ala alady. Jeke kásipkerdi tirkeý úshin endi osy qyzmetti Kaspi.kz qosymshasynan tańdap, saýalnamany toltyryp, Kaspi ESQ kómegimen qol qoıý jetkilikti, dep atap ótti mınıstrliktiń baspasóz qyzmeti.
