Osyǵan deıin Túrkistan oblysynyń ákimi О́mirzaq Shókeev jáne Jambyl oblysynyń ákimi Berdibek Saparbaev pen Shymkent qalasynyń ákimi Murat Áıtenov memleketke qaryz ekendigi týraly aqparat PROTENGE Telegram kanalynda paıda bolǵan edi.
Degenmen, atalǵan ákimderdiń baspasóz qyzmeti bul jaıdy joqqa shyǵaryp otyr.
Máselen, Túrkistan oblysynyń ákimi О́mirzaq Shókeevtiń qaryzy joq ekendigi aıtyldy. Baspasóz qyzmetindegiler múmkin bul saıttyń tehnıkalyq qateligi shyǵar, degen tujyrym jasady. Shymkent ákimdigi bul aqparattyń shyndyqqa janaspaıtynyn aıtsa, Jambyl oblysynyń ákimi Berdibek Saparbaevtyń salyqty ýaqytynda tólegeni málim boldy.
Sáıkesinshe, QR Qarjy mınıstrligi bul jaǵdaıǵa túsinikteme berdi. Olardyń aıtýynsha, ákimder merziminiń sońǵy kúni salyqty tólep úlgergen.
"Bizde tehnıkalyq qate bolǵan joq. Olar keshe tóledi, al qarajat olardyń jeke shottarynan tústi", dep habarlady mınıstrlik.
