Daıyndyq barysynyń tanystyrylymyna 16 birlik qutqarý tehnıkasy jáne oblys ortalyǵynyń kommýnaldyq qyzmetteriniń 150-den astam arnaıy kólikteri qatysty.
Oblys ákimi Ábilqaıyr Sqaqovqa TJD bastyǵy Ernur О́tegenov habarlaǵandaı, aldaǵy qysqa 47 birlik joǵary tehnıka, rezervtik qorektendirý kózderi jáne janar-jaǵarmaı materıaldarynyń qory daıyndalǵan.
Soltústiktiń yzǵarly qysy, aıazy, qalyń qaryn qarsy alýǵa – ákimdikter erte jumys bastaıdy.
Ásirese jol boıyndaǵy júrginshiler, kólikter jaǵdaıy,qaýipsizdik máseleleri qalalyq, oblystyq kommýnaldyq qyzmetterden, tótenshe jaǵdaı departamentinen óte tyńǵylyqty daıyndyqty talap etedi.
Al qala basshysy Erjan Imanslıamnyń málimdeýinshe, oblys ortalyǵynda 159 birlik qar jınaıtyn tehnıkasy baryn,qalany qardan "Gorkomhoz" JShS jáne "Holdıng Transs" JShS merdiger uıymdar tazalaıdy.
"Birinshi kezektegi mindet qoǵamdyq kóliktiń júrýin jáne jol qozǵalysy qaýipsizdigin qamtamasyz etý", dedi Erjan Imanslıam.
Aı saıyn 12 ret qar shyǵarý jáne 12 ret qum sebý josparlandy. Qar shyǵarýǵa arnalǵan polıgondar anyqtalyp qoıǵan. Skverler men saıabaqtarda jumys isteý úshin shaǵyn traktorlar iske qosylady.
