Sınoptıkterdiń habarlaýynsha, tańerteń jáne kúndiz 5 qazanda Qyzylorda oblysynda soltústik-batystan, soltústikten jel soǵady, kúshi keı jerlerde 15-20 m/s kútiledi. Kúndiz tótenshe órt qaýpi saqtalady. Túnde jáne tańerteń 5 qazanda Qostanaı oblysynyń keı jerlerinde tuman túsedi. Soltústikten, soltústik-batystan, jel soǵady, ekpini 15-20 m/s jetedi.
5-7 qazanda Jambyl oblysynda keı jerlerde tuman túsýi yqtımal. Kúndiz 5, táýlik boıy 6-7qazanda keı jerlerde soltústik-batystan soǵatyn jel soltústik-shyǵysqa aýysady, jyldamdyǵy 15-20 m/s jetedi. Túnde jáne tańerteń 5-7 qazanda keı jerlerde 3 gradýs úsik saqtalady.
Taraz qalasynda túnde jáne tańerteń 7 qazanda 1-3 gradýs úsik kútiledi. 4 qazanda kúndiz Túrkistan oblysynyń keı jerlerinde soltústik-batystan soǵatyn jeldiń kúshi 15-20 m/s jetedi.
5-6 qazanda Shyǵys Qazaqstan oblysynda jańbyr jaýady, keı jerlerde jańbyr sońy qarǵa ulasady. Keı jerlerde tuman, kóktaıǵaq, jaıaý burqasyn bolady. Ońtústik-batystan soǵatyn jel soltústik-batysqa aýysady, kúshi keı jerlerde 15-20, ekpini 23-28 m/s bolady dep kútilýde.
