"Oblys ekonomıkasy munaı óndirisine táýeldi ekeni bilgili. О́tken jyly munaı óndirisi kóleminiń 13%-ǵa tómendeýi ónerkásiptik ónimniń 10,7%-ǵa azaıýyna alyp keldi. Jalpy, sońǵy 7 jylda oblysta munaı óndirisi eki esege deıin azaıǵan. Bıyl da 1 mln tonnaǵa kemıdi degen boljam bar. Sondyqtan óndeý ónerkásibi baǵytynda oblys ekonomıkasyn ártaraptarandyrý búgingi kún talaby. Ony tek shaǵyn jáne orta bıznesti damytý arqyly qol jetkize alamyz", dedi palata dırektory.
Sońǵy málimet boıynsha óńirde 46 647 shaǵyn jáne orta kásipkerlik sýbektisi jumys jasaýda. Bul salaǵa bıylǵy pandemııa aýyr tıdi, ahýal áli de bolsa kúrdeli.
"Atameken" Ulttyq kásipkerler palatasy tarapynan kásipkerler arasynda saýaldama júrgizilipti. Oǵan oblys boıynsha 11 064 qyzmetkeri bar 3680 kásipkerlik sýbektisi qatysqan. Saýaldama nátıjesine sáıkes oblys boıynsha kásipkerlik salasyndaǵy qyzmetkerlerdiń 31% nemese 3 myńnan astamy qysqartylǵany jáne 32 paıyzy jalaqysy saqtalmaıtyn eńbek demalysyna jiberilgeni belgili boldy.
Qazir kásipkerler qyzmetin Info Kazakhstan portaly arqyly jandandyrýda. Búgingi kúnge deıin portal arqyly 12000 kásipker ótinim berdi.
"Qarapaıym zattar ekonomıkasy" baǵdarlamasy boıynsha búgingi kúni jobalyq keńseniń qaraýynda jalpy somasy 13,6 mlrd teńge bolatyn 162 joba bar. Onyń ishinde 106 jobany bankter men Agrarlyq nesıe korporasııasy maquldap otyr. 14 joba qarjy ınstıtýttarynyń qaraýynda. Qalǵan jobalar boıynsha qujattar jınaqtalyp jatyr.
"Bıznestiń jol kartasy" baǵdarlamasy sheńberinde quny 4 mlrd teńge bolatyn 109 joba sýbsıdııalandy.
460 kásipkerlik sýbektisiniń nesıeleri boıynsha tólemder keıinge shegerildi jáne 49 kásipkerlik sýbektisi shaǵyn jáne orta bızneske jeńildetilgen nesıe berý baǵdarlamasy sheńberinde aınalym qarajatyn tolyqtyrýǵa 8 paıyzben bir jylǵa 5 mlrd teńgege jýyq nesıe alǵan.
