Medısına • 08 Qazan, 2020

Aqtóbede 72 myńnan astam adam tumaýǵa qarsy vaksına aldy

30 ret kórsetildi

Aqtóbede ekpe úshin jergilikti bıýdjetten 60 mıllıon teńge qarjy bólingen, dep habarlaıdy Egemen.kz

"Vaksına alǵan adam aýyrmaıdy dep aıta almaımyz. Biraq dertti jeńil ótkerýi múmkin. О́lim kórsetkishin de osy arqyly tómendete alamyz. Koronavırýsta, tumaýda adamnyń tynys alý joly zaqymdanady. Qazir biz úshin saqtyq sharasy mańyzdy. Qarapaıym erejeni ustanýymyz qajet. Salaýatty ómir saltyna den qoıyp, dárýmeni kóp taǵamdy tutynyńyz. Kópshilik jerde betperde kıińiz. Qoldy jıi jýý da mańyzdy", dedi oblystyq bas ınfeksıonıst dárigeri Meırambek Qurmanǵazın.

Al oblystyq densaýlyq saqtaý basqarmasynyń orynbasary Bekbolat Izbasarovtyń aıtýynsha, bıyl 37 myńǵa jýyq balaǵa tumaýǵa qarsy vaksına beredi. Qazirgi ýaqytta 25 myńnan astam bala egildi. Bul 60 paıyz kórsetkishti qurap otyr.

"Ekpe úshin jergilikti bıýdjetten 60 mıllıon teńge qarjy bólindi. Sonymen birge ár medısınalyq mekeme óz qarjysyna vaksına alyp, turǵyndarǵa aqyly qyzmet kórsetip jatyr. Aqysyz túrde 6 aılyq balalar, júkti áıelder men balalar úıiniń tárbıelenýshileri, qarttar úıiniń turǵyndary men medısına qyzmetkerlerine beriledi", deıdi Bekbolat Izbasarov.

Aqtóbede 72 myńnan astam adam tumaýǵa qarsy vaksına aldy. Qazirgi 90 myńǵa jýyq dozanyń 80 paıyzy berildi.

Eske sala keteıik, 15 qazanǵa deıin turǵyndardyń 10 paıyzy ekpe alyp bolýy tıis.

 

 

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar