"Jylý berý arnaıy qaǵıdaǵa sáıkes bes táýlik boıy syrtqy aýanyń ortasha temperatýrasy +80S jáne odan tómen bolǵan jaǵdaıda bastalý qajet. Osy kezge deıin bul kezeń tájirıbe kórsetkendeı qazan aıynyń 15-ne týra kelip júrdi. Bıyl aýa temperatýrasynyń kúrt tómendep ketýine baılanysty qala ákiminiń 1 qazandaǵy sheshiminiń negizinde jylý qazan aıynyń 10 kúni beriledi", - dedi ol.
Jylý berý jumystarynyń júrgizilýi jáne kópqabatty turǵyn úıler men ınjenerlik júıelerdiń ázirligi týraly málimdegen qalalyq turǵyn úı kommýnaldyq sharýashylyq jolaýshylar kóligi, avtomobıl joldary jáne turǵyn úı ınspeksııasy bóliminiń basshysy Birjan Dalabaev barlyq nysandar jylý maýsymyna qosylýǵa tolyǵymen daıyn ekenin jetkizdi. Bıylǵy maýsymda oblys ortalyǵyna shamamen 37800 tonna kómir qajet. Qordaǵy kómir qystan shyǵýǵa tolyq jetedi.
О́z kezeginde "Qyzylorda jylý elektrortalyǵy" mekemesiniń dırektory Naýryz Sathanov jylý ortalyqtarynyń daıyndyǵy týraly habarlama jasap, jylý berý maýsymyna ázirlik jumystary bekitiligen kestege sáıkes júrgizilip, ýaqytyly aıaqtalǵanyn baıandady.
Aıta keteıik, oblys ortalyǵynda barlyǵy 815 kóp qabatty turǵyn úı bar, onyń 757 ortalyqtandyrylǵan jylý júıesine qosylǵan, 58 úı jeke jylý kózderinen jylytylady.
