Iýrıı Vladımırovıch Pıa –«University Medical Center» korporatıvtik qorynyń basqarma tóraǵasy, medısına ǵylymdarynyń doktory, Qazaqstanda alǵash júrek aýystyrý otasyn jasaǵan maman. «Teams» platformasynda oqýshylarmen qashyqtan ótken kezdesýde belgili dáriger tabysqa jetý tarıhymen tanystyryp, jastyq shaǵy jaıly aıtty.
"Mamandyq tańdaýǵa kelgende qaı baǵyt ózińe jaqyn keletinin túsiný qıyn. Jas kezimde fızık bolýdy armandadym. Alaıda múmkindikterim meni Máskeýdegi medısınalyq ýnıversıtetke apardy. Alǵashqy jyldary kedergilerdi jeńý úshin ózdigimnen kóp jumys jasap, ózimdi únemi jetildirip otyrdym", – dedi Iýrıı Vladımırovıch.
Qazaqstanda kardıohırýrgııa endi ǵana damı bastaǵan sátte Iýrıı Pıa medısınany halyqqa qol jetimdi etý úshin jańa tehnologııalardy endirýge úlken septigin tıgizgen.
"Osyǵan deıin nelikten bizdiń elde ataqty syılyqtardyń ıegerleri joq degen oıda júretinmin. Buryn munyń sebebi qolaıly jaǵdaıdyń bolmaýynda dep qabyldasaq, qazir eldegi ahýal ózgerdi. Jańa formatta bilim beretin jańa oqý oryndary ashylyp jatyr. Búginde jastardyń nanotehnologııa, jasandy organdar, gendik ınjenerııa salalarynda jańalyq avtory bolýlaryna bilimi jetedi, múmkindikteri mol", – deıdi ol.
Atalǵan kezdesýge Qyzylorda, Pavlodar jáne Kókshetaý qalalarynyń zııatkerlik mektepterinen 900-den astam oqýshy qosyldy.
