Dıplomattar eki eldiń saýda-ekonomıkalyq jáne ınvestısııalyq yntymaqtastyqty nyǵaıtýǵa, ekijaqty formatta jáne halyqaralyq uıymdar sheńberinde saıası dıalogty nyǵaıtýǵa, mádenı-gýmanıtarlyq baılanystardy keńeıtýge baǵyttalǵan kúsh-jigeriniń oń nátıjesin atap ótti.
О́zara is-qımyldyń jańa perspektıvalaryn talqylaý 2030 jylǵa deıingi qazaqstan-fransýz saýda-ekonomıkalyq jáne ınvestısııalyq yntymaqtastyǵynyń jańa kezeńine arnalǵan Jol kartasyn ázirleý aıasynda ótti. Eki memleket basshylary bastamashylyq etken bul qujat jańa óndirister men jumys oryndaryn ashýǵa baǵyttalǵan Qazaqstan men Fransııanyń múddelerine jaýap beretin birneshe ondaǵan naqty ınvestısııalyq jáne saýda jobalaryn qamtıdy.
Suhbattasýshylar jaqyn arada jańa jobalardy egjeı-tegjeıli talqylaýǵa jáne joǵary deńgeıdegi kezdesýge qomaqty negiz daıyndaýǵa múmkindik beretin ekijaqty ekonomıkalyq yntymaqtastyq jónindegi Úkimetaralyq komıssııanyń kezekti otyrysy ótedi dep úmit bildirdi.
I.Dıýmon bıylǵy jyly koronavırýs pandemııasy jaǵdaıynda sıfrlyq formatqa kóshirilgen "Fransııadaǵy Qazaqstan kúzi" úshinshi mádenı maýsymyn ótkizý týraly bastamany quptap, erekshe atap ótti.
