Búginde aılakerler azamattardyń derbes derekterin bilip alyp, onyń atyna mıkrokredıttik uıymdarda nesıe resimdep, aqshamen birge úshti-kúıli joǵalyp ketýde.
Osyndaı oqıǵalardyń biri Instagram jelisiniń qoldanýshysynda bolǵan. Ol @Zhaloby_astana tobynda belgisiz qyzdyń habarlandyrý saıty arqyly odan taýar satyp alǵanyn jazady.
"Sol kúni túnde SMS jazady, maǵan kúıeýi qatelesip aqsha aýdaryp, qaıta jiberýdi suraıdy. Basqa banktiń kartasynan 100 myń teńge túsedi. Men, túsinigi bar adam retinde, aqshany kartaǵa qaıta aýdardym. Atalǵan jaıtty umytyp ketkennen keıin, eki aıdan keıin maǵan kollektorlyq kompanııadan qońyraý shalyp, qaryzdy qaıtarýdy suraıdy. Sóıtip, álgi qyz meniń atymnan mıkronesıe resimdegen", deıdi jeli qoldanýshysy.
Jábirlenýshi polısııa ókilderinen kómek suraǵanymen, olarǵa qazirdiń ózinde myńdaǵan adamnyń isi turǵanyn jáne alaıaq áli de bostandyqta júrgenin aıtqan.
"Alaıaqtyń mekenjaıyn ózim taýyp, qaıda turatynyn jáne ne isteıtinin bildim. Kópbalaly ananyń alty balasy bar eken", deıdi ol.
Bul oqıǵaǵa qatysty Nur-sultan polısııa departamentiniń baspasóz qyzmeti túsinikteme berýge ýáde berdi.
