Jańa maýsymdy ashýǵa Taldyqorǵan, Qapshaǵaı, Tekeli qalalary jáne Almaty oblysynyń 17 aýdanynyń aýylsharýashylyq ónimderin óndirýshileri keledi, sonymen qatar jármeńkege "Jetisý" ÁKK "UK" AQ da qatysady.
Jármeńkege qatysty sharalar qalanyń birden eki aýdanynda tańǵy saǵat 8.00-den keshki saǵat 17.00-ge deıin ótedi: "Astana" alańynda (Abylaı han dańǵylynan N.Nazarbaev dańǵylyna deıin) jáne "Alataý" konsert zaly aýmaǵynda (Nurkent yqshamaýdany, 6).
Almaty turǵyndary men qala qonaqtaryna jalpy kólemi 400 tonnadan asatyn 50-den astam ónim túrleri usynylady, olar:
- et ónimderi – 60 tonna,
- jemister men kókónister – 180 tonna,
- sút ónimderi – 21 tonna,
- balyq ónimderi – 16,2 tonna,
- basqa ónimder – 126 tonna.
Azyq-túlik ónimderiniń baǵasy naryqtaǵy ortasha deńgeıden 10-15%-ǵa tómen bolady.
Eske salsaq, keńeıtilgen aýylsharýashylyq jármeńkeleri azamattardy qoljetimdi baǵa boıynsha sapaly jáne ártúrli ónimdermen qamtamasyz etý maqsatynda ótkiziledi.
Almatyda jaqyn kúnderi Jambyl men Túrkistan oblystarynyń qatysýymen osyndaı sharalar ótkizý josparlanýda. Qosymsha habarlaımyz, sharalar ótetin nysandarda sanıtarlyq-epıdemııalyq normalardy, onyń ishinde "maskalyq" rejimdi, qol gıgıenasyn (qolǵaptar, antıseptıkter) jáne áleýmettik qashyqtyqty berik ustaný qatań talap etiledi.
