"Jıynnyń maqsaty jas ofıserlerdiń qyzmettik-jaýyngerlik jáne ádistemelik-praktıkalyq daǵdylaryn arttyrý, sondaı-aq jas mamandardyń jeke kásibı qasıetterin jetildirý boldy. Osy jıynda jas sardarlar jeke quramdy oqytý men tárbıeleýdiń biryńǵaı ádistemesi men jańa nysandaryn taǵy da pysyqtady", - deıdi qolbasshylyqtyń baspasóz qyzmeti jetekshisi podpolkovnık Erbolat Sultanov.
Oqý-ádistemelik jıynda is-sabaqtaryn "Batys" óńirlik qolbasshylyǵy qolbasshysynyń orynbasary polkovnık Pavel Sıtnıkov basqaryp júrgizgen. Atyraý, Aqtóbe, Aqtaý jáne Oral garnızondarynan kelgen 30-ǵa jýyq jas leıtenant bes kún boıy Qazaqstan Respýblıkasy Úkimetiniń Jarlyqtaryn, Qaýlylaryn, áskerı-jaýyngerlik qyzmettiń negizgi basymdyqtaryn, fýnksıonaldyq mindetteri men jalpy áskerı jarǵylaryn aıqyndaıtyn basshylyq qujattar men dırektıvalardy bilýi boıynsha synaqtan ótti.
Alǵashqy kúni Qazaqstan Respýblıkasy Ulttyq Ulan "Batys" óńirlik qolbasshylyǵy qolbasshysy general-maıor Arman Jumaǵalıev jas leıtenanttarmen resmı kezdesip, 2020 jyldyń toǵyz aıyndaǵy jaýyngerlik qyzmet qorytyndysy týraly aıtyp berdi. О́ńirlikqolbasshylyqtyńtájirıbeli ofıserleri men basqarma bastyqtary da jas komandırlerge qoǵamdyq tártipti saqtaý, sot prosesteri kezinde sottalýshylardy kúzetý, sottalǵandardy tasymaldaý kezinde tájirıbesimen, sondaı-aq asa mańyzdy memlekettik nysandardy kúzetý kezindegi erekshelikterimen oı bólisti.
Jıynnyń úshinshi kúni "Suńqar" oqý-dala ortalyǵynda atys daıarlyǵy boıynsha sabaq ótip, jas sardarlar AK-74 avtomaty men Makarov tapanshasynan oq atý, beltemirge tartylý jáne 100 metrge júgirý, avtomashına júrgizý jáne jappaı qyryp-joıý qarýynan qorǵaý, taktıkalyq, ınjenerlik daıyndyq sekildi synaqtardan saıysty.
"Biz jas ofıserlerdiń áskerı qyzmet jaǵdaıyna beıimdelýin únemi qadaǵalap otyramyz. О́ıtkeni olar kez-kelgen jaǵdaıda áreket etýge daıyn bolýy kerek. Oqý-jattyǵý jıyndarynyń basty mindeti – túlekterdiń oqý kezinde alǵan bilimin jetildirý jáne ózderiniń fýnksıonaldyq mindetterin oryndaý úshin praktıkalyq daǵdy berý", - deıdi polkovnık Pavel Sıtnıkov.
Oqý-ádistemelik jıynǵa qatysýshylar sabaqtardan tys kezde mádenı-demalys is-sharalarǵa qatysyp, Oral qalasynyń kórikti jerlerin aralady. Aq Jaıyq óńiriniń tarıhymen tanysyp, murajaılaryn tamashalady.
Batys Qazaqstan oblysy
