Atyraý polıseıleri mobıldik top quramynda juma – jeksenbi kúnderi aralyǵynda karantın rejimine saı talaptardy oryndamaǵan ondaǵan toı ıelerin anyqtady.
Atap aıtqanda, qalanyń Mechnıkov kóshesindegi úılerdiń birinde 30-40 adammen toı ótkizilgen. Stýdentter kóshesinde ornalasqan meıramhanalardyń birinde ótip jatqan toıda 80 adam, "Almagýl" yqsham aýdanyndaǵy meıramhanada toılanǵan týǵan kúnde 50-60 adam, sondaı-aq Taımanov kóshesindegi meıramhanada 50-60 adam jınalǵan toı anyqtaldy.
"Jeruıyq" yqsham aýdanynda ornalasqan meıramhanalardyń birindegi karaoke barda 15-20 adam anyqtaldy. Sonymen qatar Leshoz yqsham aýdanyndaǵy jáne Vladımırskıı kóshesinde ornalasqan eki kalıan – bar ıeleri de karantın rejimine qatysty tyıymdarǵa qaramaı, jumys jasaǵan. Anyqtalǵan derekterge qatysty jınaqtalǵan qujattar Atyraý qalasynyń Taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
