Ol Shiderti kentindegi qaýipsizdigi barynsha tómen AP-162/10 túzetý mekemesinen qashyp ketken.
Sottalǵan er adam 2019 jyldyń tamyzynda mekeme aýmaǵynan ketip qalǵan. Alaıda keshke kolonııaǵa oralmaǵan. Qaýipsizdigi barynsha tómenshe mekemede sottalǵandar kolonııa aýmaǵynnan tys jerde jumys isteýge quqy bar.
"QAJ qyzmetkerleri sottalǵan er adamnyń qaıda ekenin anyqtaý úshin Ekibastuz qalasy polısııa basqarmasy mamandarymen birlesip, jumys júrgizgen. Biz 1 jyl boıy sottalýshynyń qaıda ekenin anyqtaı almadyq. Qazirgi tańda ol Pavlodardaǵy tergeý ızolıatorynda qamaýda otyr. Biz ony qaýipsizdigi ortasha mekemege qaıtarý úshin sotqa materıal jiberemiz", deıdi AP-162/10 mekemesiniń basshysy Erbol Sháripov.
Tergeý barysynda sottalýshy kinásin moıyndap, Nur-Sultandaǵy otbasyna barǵanyn aıtqan. Onyń azamattyq nekedegi áıeli men qyzy bar eken. Osy ýaqytqa deıin ol ártúrli meken-jaıda turǵan, ártúrli jumys istegen.
Aıta keteıik, Shiderti kentindegi qaýipsizdigi barynsha tómen AP-162/10 mekemesinde 62 sottalǵan azamat jazasyn ótep jatyr.
