Áńgime barysynda Qazaqstan Prezıdenti eldiń ındýstrııalyq-ınnovasııalyq damýynyń mańyzdylyǵy, memlekettiń ekonomıkadaǵy róli týraly saýaldarǵa jaýap berdi, dep habarlaıdy Aqordanyń baspasóz qyzmeti.
Nursultan Nazarbaev sondaı-aq Eýrazııalyq ekonomıkalyq odaq elderi yntymaqtastyǵynyń perspektıvalary, EAEO-nyń basqa da memleketaralyq ekonomıkalyq birlestikter jáne jekelegen eldermen ózara is-qımylynyń yqtımal perspektıvalary jaıly aıtyp ótti.
Memleket basshysy Qazaqstan astanasynyń rebrendıngi, respýblıkadaǵy jastardyń bilim deńgeıin arttyrý, bilim berý úrdisindegi úshtildiliktiń mańyzdylyǵy jónindegi máselelerge toqtaldy.
Budan bólek, Qazaqstan Prezıdenti Ortalyq Azııadaǵy terrorızm men ekstremızmniń paıda bolýynyń aldyn alýdaǵy UQShU-ǵa qatysýshy elderdiń keshendi ustanymynyń ózektiligin atap ótti.
Suhbat sońynda Nursultan Nazarbaev «Rossııa 24» telearnasyna shyǵarmashylyq tabys, al kórshiles elderdiń azamattaryna zor densaýlyq pen baq-bereke tiledi.
