N. Ábilshaıyqovtyń aıtýynsha, TJ rejıminiń engizilýine jáne karantınge baılanysty ekonomıkanyń kóptegen salalaryna áli de tyıym saqtalyp otyr. Mysaly, bul kınoındýstrııa jáne oıyn-saýyq salalary. Bıznestiń keıbir túrleri mańyzdy sheýteýlermen jumys istep jatyr. Bul týrızm, qonaq úı bıznesi, qoǵamdyq jalpy tamaqtaný oryndary áne basqalary.
«Epıdemııalyq jaǵdaı qıyndap keledi. Almaty qalasynda koronavırýs ınfeksııasymen aýyrǵandar sany kóbeıýde. Kórsetkish 13 qazan kúni 14 myńnan astam adamdy qurady», — dep habarlady Palata dırektory. Almaty qalasynyń ákimdigi júrgizgen megapolıstegi epıdemııalyq jaǵdaıdyń taldaýyna sáıkes, COVID-19 jaǵdaılarynyń kóbeıýiniń eki sebebi bar — vırýstyń shetelden kelýi jáne qala turǵyndarynyń sanıtarlyq qaýipsizdik sharalaryn saqtamaýy. Sonymen birge, Almatynyń bas sanıtar dárigeriniń qaýlysynyń talaptaryn saqtamaıtyn jeke bıznes sýbektileri bar. Osy jyldyń 5 shildesinen 9 qazanǵa deıingi aralyqta Almatyda ákimshilik quqyqbuzýshylyqtar týraly 4 myńǵa jýyq hattama toltyrylǵan. Onyń ishinde nysandarǵa 109 mln tg 1200 aıyppul salynyp, jeke tulǵalarǵa 125 mln tg 2600-den astam hattama toltyrylǵan. Respýblıka boıynsha kórsetilgen merzimde 894 mln tg shamamen 16 myń hattama toltyryldy, sonymen birge, 307 mln tg jeke tulǵalarǵa aıyppul salyndy.
Osyǵan baılanysty, Almaty qalasynyń Kásipkerler palatasy pandemııa jáne juqtyrýdyń jańa tolqynynyń qaýpine baılanysty bıznesmenderdi qaýipsizdik sharalarynyń talaptaryn múltiksiz saqtaýǵa shaqyrady.
«Qyzmetshiler men kelýshilerdiń dene qyzýyn ólsheý, áleýmettik araqashyqtyq pen maska taǵý rejimin saqtaýdy qamtamasyz etý, úı-jaılardy jetkilikti mólsherde sanıtaızerlermen jaraqtandyrý, bólmelerdi jeldetý qajet. Mekemelerge kelýshilerdi, sonymen qatar megapolıstiń árbir turǵynyn maska taǵý rejimin, áleýmettik araqashyqtyqty, jeke gıgıena talaptaryn saqtaýǵa shaqyramyz. Bul talapty, ásirese, egde adamdar, balalar, sozylmaly aýrýy bar, ımmýnıteti tómen adamdar ustanýy qajet», — dedi óz sózinde N. Ábilshaıyqov.
Karantın talaptaryn buzǵany úshin jeke tulǵalarǵa 30 AEK mólsherinde, shaǵyn kásipkerlik sýbektileri úshin 230 AEK, orta kásipkerlik úshin — 310 AEK, iri kásipkerlik sýbektileri úshin 1600 AEK mólsherinde aıyppul qarastyrylǵan.
