. Aldymen aımaq basshysy Turmaǵambet aýyldyq okrýgindegi «Turmaǵambet» JShS-niń qyrmanyndaǵy kúzgi egin jınaý barysyn kórip, jańadan iske qosylǵan makaron sehynyń jumysymen tanysty. Sharýashylyq bıyl 2375 gektar jerge kúrish, 385 gektar jańa jońyshqa, 896 gekter eski jońyshqa ekken. Sharýalar kúrishtiń ár gektarynan ortasha 60 sentnerden ónim alyp otyr.
Bıyl sharýashylyq janynan makaronnyń 5 túrin óndiretin jańa seh iske qosyldy. Sehta bir aýysymda 700 keli ónim shyǵarady. О́ndiriste 5 adam turaqty jumyspen qamtylǵan. Sonymen birge qyrkúıek aıynda sym tor shyǵaratyn taǵy bir seh jumysyn bastady.
Oblys ákimi Daýylkól aýyldyq okrýgindegi «Sálıma ana» balabaqshasynyń jumysymen de tanysty. 2019 jyly salynǵan balabaqshada 29 bala tárbıelenýde. Búginde 88 oryndyq balabaqshada 13 maman qyzmet etedi.
О́ńir basshysy munan keıin Aqjar aýyldyq okrýgine at basyn buryp, aýyldyq klýb úıindegi aýyl ónimderiniń kórmesin kórip, turǵyndarmen pikirlesip, eldiń áleýmettik-ekonomıkalyq damý kórsetkishterin saralady. Búginde Aqjar aýylynda «Jumyspen qamtýdyń Jol kartasy» aıasynda kósheler jóndelip, jaryq shamdar ornatylǵan. Aýylda shaǵyn jáne orta bıznesti damytýǵa nıetti azamattar qatary artqan. Bıyl 5 azamat memlekettik baǵdarlamalar arqyly grant alsa, 10 turǵyn «Bastaý» bıznes ortalyǵy arqyly bilimin jetildiripti. Aýyl halqy qolóner buıymdaryn óndirip, shaǵyn bıznes salasyn damytýǵa úles qosyp otyr. Oblys ákimi aýyl halqynyń qysqa daıyndyq barysyn surap, otyn qorymen qamtý máselesin retteýdi tapsyrdy.
Munan keıin óńir basshysy «Jumyspen qamtýdyń Jol kartasy» aıasynda №6 «Aısulý» balabaqshasynyń ǵımaratyna júrgizilgen jóndeý jumystaryn baqylady. 1975 jyly salynǵan 50 oryndyq balabaqshada 50 bala tálim alýda.
Sonymen birge oblys ákimi aýdandaǵy 1200 oryndyq №250 mektep-lıseıine bardy.
Jumys sapary sońynda oblys ákimi Gúlshara Ábdiqalyqova aýdan ákimi Musa Qaldarbekovke shaǵyn jáne orta bıznesti áli de damytyp, jergilikti azamattardyń kásip ashýyna qoldaý bildirýdi júktedi. Sondaı-aq aýyl turǵyndarynyń ómirin jaqsartýǵa baǵyttalǵan áleýmettik damý kartasy aıasynda jumys júrgizip, jańa jumys oryndaryn ashýdy tapsyrdy. Sonymen birge koronovırýs pandemııasy kezinde saqtyq sharalaryn qatań saqtaý qajettigin qaperge saldy.
