Bul týraly Pavlodar oblysynyń Polısııa departamentiniń baspasóz qyzmeti habarlady. Polıseıler zeınetkerdi qaǵyp ketken júrgizýshini jaqyn jerlerdegi baqylaý kameralary arqyly taýyp alǵan.
"Baqylaý kameralary arqyly kóliktiń nomeryn anyqtadyq. Baza arqyly VAZ-21214 markaly kóliginiń ıesin taýyp, artynsha oqıǵa ornynan qashyp ketken júrgizýshiniń baǵytyn anyqtadyq. Ol - 76 jastaǵy zeınetker, Pavlodardyń turǵyny bolyp shyqty", deıdi jergilikti polısııa bóliminiń basshysy Qýanysh Mýstafınov.
Búginde pavlodarlyq turǵynnyń kóligi aıyp turaǵynda tur, al jol oqıǵasy boıynsha tekseris bastaldy.
Eske salaıyq, búgin belgisiz júrgizýshi 74 jastaǵy zeınetkerdi qaǵyp, oqıǵa ornynan qashyp ketkeni habarlandy. Polısııanyń málimetinshe, oqıǵa Máshhúr Júsip jáne Lermontov kósheleriniń qıylysynda bolǵan. Zeınetker áıel joldan ótýge bolmaıtyn jerden ótken. Oqıǵa ornynan birden aýrýhanaǵa jetkizilgen.
