"EGov.kz portalynda qazaqstandyqtarǵa memlekettik tirkeý nómirin (GRNZ) jáne kólik quralyn tirkeý týraly kýálikti (SRTS) jetkizýge múmkindik beretin qyzmet paıda boldy. Ol úshin qajetti derekterdi, turǵylyqty meken-jaıyn kórsetip, qyzmetke aqy tóleý jetkilikti. "Azamattarǵa arnalǵan úkimet" úıge memlekettik nómir men anyqtama alyp keledi", delingen habarlamada.
"Biz úshin eń bastysy, úıde otyrǵan azamat kólik satyp alýǵa baılanysty qyzmetterdiń barlyq paketin ala alatyn kezde, kólik quralyn tirkeý prosesin tolyq avtomattandyrý mańyzdy boldy. Eger buǵan deıin qazaqstandyqtar arnaıy qyzmet ortalyǵyna kem degende eki ret kelýge májbúr bolsa, búgin tirkelý, qaıta tirkelý, nómir tańdaýdy, avtokólik tirkeýdi, tipti eGov.kz portalynda onlaın nómiri men kýálikti jetkizýdi uıymdastyra alasyz", dep túsindirdi "UAT" AQ basshysy Áset Turysov
