"Bul Armenııanyń Ázerbaıjanǵa qarsy jańa agressııasyn bastaǵannan keıin Ázerbaıjannyń maıdan shebinen alys ornalasqan ekinshi iri qalasyna jasalǵan jáne beıbit turǵyndardyń aýyr shyǵynyna ákelgen jantúrshigerlik úshinshi shabýyly. Kámeletke tolmaǵan 2, barlyǵy 12 beıbit turǵyn qaza tapty, 40-tan astam adam jaraqat aldy.
Armenııanyń beıbit turǵyndarǵa qasaqana jáne eshkimdi ajyratpaı jasaǵan shabýyldary halyqaralyq quqyq normalary men qaǵıdalaryn, onyń ishinde halyqaralyq gýmanıtarlyq quqyqty, sondaı-aq jarııalanǵan gýmanıtarlyq maqsatta atysty toqtatý erejelerin óreskel buzyp, beıbit turǵyndardy qasaqana óltirýi de áskerı qylmys jáne adamzatqa qarsy jasalǵan qylmys bolyp tabylady. Bul qylmystyń jaýapkershiligi tolyǵymen Armenııa basshylyǵynyń moınynda.
Armenııanyń toqtaýsyz agressııasyn, beıbit turǵyndarǵa jasalǵan qatygez shabýyldaryn toqtatý kerek. Halyqaralyq qaýymdastyq Armenııanyń Ázerbaıjan halqyna qarsy adamgershilikke jatpaıtyn áreketterine kóz jumbaýy kerek.
Biz Armenııanyń Ázerbaıjannyń beıbit turǵyndaryna jasaǵan jaýyzdyq shabýyldaryn qatań túrde aıyptaımyz. Agressııashyl memleketti áskerı qylmystaryn toqtatýǵa shaqyramyz.
Armenııanyń áskerı-saıası basshylyǵy terrordy memlekettik saıasat retinde qoldana otyryp, beıbit turǵyndarǵa raketalyq shabýyl jasaý týraly buıryq berýge jaýapty. Ázerbaıjan Respýblıkasy osy qylmysty jasaǵandardyń ulttyq jáne halyqaralyq quqyq mehanızmderi negizinde jaýapqa tartylatyndyǵyn málimdeıdi", delingen resmı habarlamada.
