Sanıtarlyq talaptarǵa saı, qan alý Dostyq úıiniń aýlasynda ótti. Ortalyqtyń arnaıy mamandandyrylǵan avtobýsynda donorlarǵa saı barlyq jaǵdaı jasalyndy. Aksııanyń barlyq qatysýshylary eń aldymen densaýlyǵy men COVID-19 saýalnamasyn toltyryp, aldyn ala tekseriske jiberildi. Maskalyq rejım men araqashyqtyqty saqtaı otyryp kelýshilerdiń dene temperatýrasy, qan qysymy ólshendi.
Belgilengen ýaqytqa deıin 30 adam donor atanyp, árbireýi 450 ml-den qan tapsyrdy. Gemoglabın jáne dene salmaǵynyń tómen bolýyna baılanysty 10 adam tekseristen ótpedi.
"Ekinshi jyl qatarynan turaqty túrde qan tapsyryp kelemin. Búgingi aksııada donorlar úshin barlyq jaǵdaı jasalǵan. Eki kún boıy densaýlyǵyma qarap, maıly ári ystalǵan taǵamdardy jemedim. О́zgeniń ómirin saqtap qalýǵa at salysqanym úshin ózimdi baqytty sezinemin", deıdi qala turǵyny I.Sharıpova.
Aıta keteıik, atalmysh qaıyrymdylyq aksııasy QR Densaýlyq saqtaý mınıstrliginiń Transfýzıologııa ǵylymı-óndiristik ortalyǵymen atqarylǵan úshinshi qaıyrymdylyq sharasy.
