Oblystyq tótenshe jaǵdaılar departamenti baspasóz qyzmetiniń málimetine súıensek, 16 qazan kúni saǵat 23:40 shamasynda kezekshi bólimge Qostanaı kóshesindegi turǵyn úıdiń janyp jatqany týraly habarlama kelip tústi.
"Úıdiń kireberisi, dálizi, eki bólmesi, jıhazdar men elektr tehnıkasy janyp ketti. Tóbe jabynyn qosa eseptegende jalpy aýdany 100 sharshy metr aýmaq órtendi. О́rt 02 saǵat 07 mınýtta sóndirildi. Sóndirýge eki órt sóndirý tehnıkasy men jeke quramnyń 9 adamy jumyldyryldy. Qaza bolǵandar men zardap shekkender joq", delingen vedomstvo habarlamasynda.
Qazir TJD mamandary órttiń shyǵý sebebin anyqtap jatyr. Oqıǵa ornynda synaq zerthanasynyń qyzmetkerleri jumys isteýde. TJD oblys turǵyndaryn órt qaýipsizdigi erejelerin qatań saqtaýǵa shaqyrady.
