Vedomstvonyń málimetinshe, oqys oqıǵa "Qazaqaltyn» taý-ken metallýrgııa kombınaty" AQ Bestóbedegi kenishindegi jańa shahtada bolǵan.
Qazannyń 17-de óndiristik jumystar kezinde topyraq opyrylyp ketti. Saldarynan kásiporynnyń 1987 jylǵy jumysshysy topyraqtyń astynda qalyp qoıǵan.
"Oqıǵa saǵat 12:30 oryn aldy. Sol kezde "Qazaqaltyn" taý-ken metallýrgııa kombınaty" AQ qutqarý otrıady er adamdy topyraq úıindisiniń astynan alyp shyqty. Alaıda, ol Stepnogor qalalyq aýrýhanasynda kóz jumdy", deıdi Stepnogor qalalyq TJ basqarmasynyń bastyǵy Erkebulan Esenjolov.
Qazirgi kezde kenish shtattyq rejımde jumys istep tur. Tótenshe jaǵdaıdyń sebebi anyqtalyp jatyr.
