Bıylǵy 5 shildeden bastap jarııalanǵan karantındik shekteýlerdiń oryndalýyn qamtamasyz etý maqsatynda quramyna jergilikti atqarýshy organdar, taýarlar men kórsetiletin qyzmetterdiń sapasy men qaýipsizdigin baqylaý departament ókilderi, eriktiler, qoǵamdyq kómekshiler engen monıtorıngtik mobıldi toptar búgingi kúnge deıin 679 quqyq buzýshylyqty anyqtady.
Onyń ishinde kafe, meıramhanalarda 370 toı jasaýdyń deregi anyqtalsa, kompterlik klýbtar, býkmekerlik keńseler 59 ret karantın talaptaryn buzǵan. Shashtarazdar, dúkender jáne bazarlar, demalys oryndary da sanıtarlyq dárigerdiń qaýlysynda kórsetilgen talaptardy saqtamaǵan.
Máselen,18 qazan kúni saǵat 18:14 shamasynda Qyzylorda oblysy, Shıeli aýdanynyń turǵyny qudalyq rásimine týystaryn jınaǵany anyqtaldy. Atalǵan derek boıynsha qujattar jınaqtalyp, QR ÁQtK-niń 425 babynyń 1 bóligimen ákimshilik hattama rásimdeldi.
Sonymen qatar 16 qazan kúni saǵat 18:50 shamasynda Qyzylorda oblysy, Qazaly aýdany Áıteke bı kentiniń turǵyny "Baǵdáýlet" kafesinde toı jasap jatqandyǵy belgili boldy. Atalǵan derekter boıynsha qujattar jınaqtalyp, shara kórý úshin tıisti oryndarǵa joldandy.
Odan bólek 16 qazan kúni Qyzylorda qalasyndaǵy "Aıgeım" jáne "Enerdjı" kompterlik klýbtaryn tekserý kezinde de dál osyndaı quqyq buzýshylyqtar anyqtaldy.
