Shara aıasynda Polısııa basqarmasy qyzmetkerleri, qalalyq ákimdik, prokýratýra, memlekettik sanıtarlyq - epıdemıologııalyq qadaǵalaý basqarmasy, "Jas Otan" ókilderi jáne eriktiler ótkizgen reıd kezinde 2 kúnde 53 quqyq buzýshylyq deregi anyqtaldy.
Máselen, qala ortalyǵyndaǵy kóshelerdiń birinde mobıldi top "Toıota Kamrı" markaly avtokóligin tekserý úshin toqtatady. Tekserý kezinde júrgizýshiniń tıisti qujattarsyz kólikti basqarǵany anyqtalyp, avtokólik aıyp turaǵyna qoıyldy.
Budan bólek, qala ortalyǵynda ornalasqan kompıýterlik klýbtardyń birin tekserý barysynda polısııa qyzmetkerleri túngi ýaqytta júrgen kámeletke tolmaǵan 4 jasóspirimdi anyqtady. Jasóspirimderdiń ata-analaryna qatysty QR ÁQBtK 442-baby boıynsha ákimshilik hattamalar toltyryldy jáne profılaktıkalyq áńgimeler júrgizildi.
Búgingi kúni qatań sharalarǵa qaramastan karantın rejımin buzý oqıǵalary azaıar emes. Eki kúnniń ózinde oblys ortalyǵynyń ózinde 23 derek anyqtaldy. Keshe, ıaǵnı 18 qazanda Qyzylorda qalasynyń turǵyny óz aýlasynda sanıtarlyq normalar men talaptardy saqtamaı toı uıymdastyrǵan. Sol jerde polıseıler ákimshilik quqyq buzýshylyq týraly hattama rásimdep, toltyrdy. Atalǵan derek boıynsha qujattar jınaqtalyp, tıisti shara kórý úshin taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
