Anastasııanyń eriktiler jobasy janýarlardy qorǵaý salasyna, ıaǵnı Taldyqorǵan qalasyndaǵy baqylaýsyz qalǵan janýarlardy zararsyzdandyrýǵa baǵyttalǵan.
Eriktiniń aıtýynsha, qańǵybas janýarlar qalada jıi kezdesedi jáne turǵyndarǵa birqatar qıyndyq týdyrýda. Anastasııa jeke zertteý júrgizip, qala aýmaǵynda janýarlar panalaıtyn ortalyq ta joq ekenin anyqtady. Problemalyq máseleler ashyq kúıinde qalyp otyr: adamdarǵa shabýyl, aýrý taratý, qalanyń qoqystarmen lastanýy jáne eń mańyzdy másele – onyń kóbeıýi bolyp otyr.
– Adamgershilik turǵysynan ustalǵan janýarlardy tek tirshilik etý faktisi úshin joıý ádepke jatpaıdy. Shynynda da, bul máselege kóbine adamdar ózderi kináli. О́ıtkeni ózderi qolǵa úıretken janýarlardan bas tartady. Sondyqtan zararsyzdandyrý úısiz janýarlarǵa qatysty eń izgilikti ádisterdiń biri bolyp qala beredi, – dedi Anastasııa Kormýshına.
Árqashan kómek kórsetý Anastasııanyń uzaqmerzimdi dástúrine aınalǵan. Ol Nazarbaev zııatkerlik mektebiniń qabyrǵasynda qamqorsyz qalǵan janýarlardy tamaqtandyrýǵa baǵyttalǵan «Úmit panasy» jobasyn jasady. Qazirgi ýaqytta mektep belsendileri «Zooclub» janýarlar quqyǵyn qorǵaýshylar qoǵamdyq birlestigimen yntymaqtasyp, úısiz janýarlarǵa ıe tabýǵa, tamaqtandyrýǵa, stendter salýǵa, kútim jasaýǵa kómektesedi. Qazir Anastasııa zertteýin jalǵastyrý ústinde.
– Meniń zararsyzdandyrý jobam bastaldy. Búginge deıin jeti qańǵybas ıtti emdedik. Operasııadan keıin janýarlarǵa qamqorlyq jasaımyz, onyń kópshiligi jańa ıelerin tapty. Osyndaı kishkentaı, biraq senimdi qadamdarmen biz qoǵamnyń nazaryn janýarlar problemasyna aýdaramyz dep úmittenemin, – deıdi zııatkerlik mekteptiń oqýshysy.
TALDYQORǴAN
