Segiz jyl buryn ınspektor Jaqsylyqbaev seriktesimen birge Aqtóbe qalasynyń shetinde taksı júrgizýshisine shabýyl jasaǵan qaraqshylardy ustaýǵa tyrysqan. Qylmyskerler tártip saqshysyn atyp tastady.
Inspektor qaıtys bolǵannan keıin Erligi úshin úshinshi dárejeli "Aıbyn" ordenimen marapattaldy. Marqumnyń otbasyna aqysyz baspana ýáde etilgen, biraq áli berilmepti.
Inspektordyń jesiri Gúlfııa Jaqsylyqbaeva ýáde etilgen páterge qol jetkizemin degen úmitpen uzaq ýaqyttan beri ákimdik esigin qaǵyp júrgenimen, nátıje bolmaǵan.
"Ákimdik páterge ýáde berdi. Olar bizdiń máselelerimizdi surady, bizde baspana máselesi bar ekenin aıttyq, ony jóndeımiz dedi, bizge kómektesińizder. Biraq bunyń bári ýáde", deıdi jesir áıel.
Gýlfııa da polısııada jumys isteıdi. Ol ulymen qyzmettik páterde turady, biraq bul baspana turaqty emes.
Al oblystyq energetıka jáne turǵyn úı-kommýnaldyq sharýashylyq basqarmasy otbasy kezegi kelgende páter alatynyn aıtyp otyr.
"Turǵyn úı qatynastary týraly zańǵa sáıkes, oǵan páter kezegi boıynsha beriledi. Bul tolyq emes otbasy, onyń nómiri tolyq emes otbasy úshin 2215, al áleýmettik jaǵynan osal toptar qatarynda 3994", dedi Aqtóbe oblysynyń energetıka basqarmasy jáne turǵyn úı-kommýnaldyq sharýashylyq bóliminiń bastyǵy Aıdana Esbatyrova.
Sheneýnikter jesir áıel birden eki sanatta tur dep túsindirdi. 2010 jyldan - memlekettik qyzmetker retinde, al eki jyldan keıin, kúıeýi qaıtys bolǵan soń áleýmettik osal otbasylar sanatyna qosyldy. Biraq bul baspana alý jyldamdyǵyna áser etpeıdi.
