Eki jyl buryn Kanadada bastalǵan balalar pornografııasyn áshkereleý is-sharasy nátıjesinde búgin 340 adam tutqyndalyp otyr. Bul týraly RIA «Novostı» habarlady.
Is-shara barysynda kóptegen mektep oqytýshylarynyń, dárigerler men ártisterdiń balalar pornografııasyna qatysy bar ekeni belgili bolyp, zorlyq-zombylyqqa ushyraǵan 386 bala qutqaryldy. Tutqyndalǵandardyń kóbisi AQSh pen Kanada azamattary bolyp shyqty.
2011 jyly Kanadada balalar pornografııasyn áshkereleý is-sharasy qolǵa alynyp, Toronto qalasynda «Azov Films» ınternet saıty jabylǵan edi. Bul saıt ıesine jylyna 4 mln. dollarǵa jýyq tabys ákelip júrgen kórinedi. Polısııa deregi boıynsha, saıt ıesi – 42 jasar Braıan Ýeı esimdi azamat 5 pen 12 jas aralyǵyndaǵy balalardyń jalańash túsirilimin uıymdastyrǵan. Túsirilimder Germanııa, Rýmynııa men Ýkraına elderinde júrgizilgen.
Aıdar О́risbaev.
